Kawlram Hrilawknak ah USDP In Zatek 76.5 In Cak

Burma’s Union Election Commission (EC) pawl cun kan dung tlawngkai ni thum niah Kawlram hrilawknak ih nehnak a cotu an phuang. Kawlram ralkap ih dinpi mi USDP pawl in rorel innpiih seat 1154 cu 883 zatek 76.5 in nehnak an co tiih an phuan thu Chinese thuthang The People’s Daily cun a phuang.

The People’s Daily ih a puan dan ahcun USDP Party Prime Minister Thein Sein ih kaihhruai mipawl in lalnak House of Representative ah 325 ah 259 zatek 79.6 le House of Nationalities ih lalnak tohkham 168 ah 129 zatek 76.7, a dang state le regional ih lalnak tohkham 661 ah 495 zatek 74.8 ngah in lalnak an co ti a si.

An mah sangsuantu cu National Unity Party (NUP) an siih an ni hin lalnak tohkham 63 an ngah. The Shan Nationalities Democratic Party (SNDP) pawl in 57 an  ngah ve ih Rakhine Nationalities Development Party in 35 an ngah. The National Democratic Force (NDF) pawl le All Mon Region Democracy Party (AMRDP) pawl hin lalnak 16 veve an co ngah.

Amah lawngte kawlram thuthangca le thusuahpawl cun hi thuhi felfai te ih pompi tlangzarhnak a um hrih lo tiin Irrawady thuthang cun a ngan lang. NLD party, Suu Kyi le a mi pawl cun tui acozah ih rorel innpi a luahnak dingah an party telve tum in ralkap miuk cu zuamnak tuah in le an lalnak cuh an tum thu an phuang.

(Visited 58 times, 1 visits today)

Comments

comments

Comments

%d bloggers like this: