Kawlram Mi Harsa Pawl Hrang Dollar 23.4 Million

European Commission’s Humanitarian Aid department (ECHO) pawlin kawlram ih mirethei hnatuan theilo harsa zual pawl hrang ah  23.4 million dollar a pe ding tiah European thu neitupawl in an phuang. Ahleicein, Thailand sehvelih miharsa camp ih um pawl in hi bawmnak hi an co tam ding tiah EU Ambasador David Lipman in a sim.

Hi bawmnak ruangah ramsung mipi 1.2 million lenglo cu nunnuam in an um thei ding tiah zumnak an nei bet. Hi euros sumpai 9.25 million cotu ding state then khat pawl cu Rakhine, Shan, Mon, Kayah le Kayin state pawl tla cu an si. A dang euros 150.000 pawl cu Karen raltlan Thailand ih um pawl hrangah pek a si ding.

Hi bawmnak hi kan dung 1994 kum ihsin an rak pe thok zo a si. 1988 ih kawlram buai lai ah mi 3,000 lenglo an thi ih cumi ihsin hivek bawmnak khal kawlram ah pek theu a si. 2008-2009 Nargis thlisia hran tum khalah euros 39 million lenglo an rak pe zo.

(Visited 43 times, 1 visits today)

Comments

comments

Comments

%d bloggers like this: