Kawlram :Dip Thawn Hnawmhlawn Daan April Ni 1 In Hmanthawk Ding

Myanmarnewshub, Popular News | Febuary 3

Venghnen Ram pawlih an hmanmi hnawmpawl a ciar le a ro pawl thliar dang thei hnawmhlawn daan cu April ni 1 ihsin hman thawk ding a si thu (Si-Pin) lam le Thianfainak lamih Bawi Upa pakhat in a sim.

Hnawnhlawnnak dingih an tuahmi hnawnbawm dip si lo a dang hnawmbawmih hnawm hlawn a si le Darkhing(Khawng-lawng) tum hnawmhlawntu pawlin an laksak lo ding ti a si. Cuvekih an tuahnak cu thliardang cia ih hnawmhlawn ding a si hleiah awlai tei Palastic pawl hmansal a si theinak dingih tuahmi a si. Mipi tampi in hivek daan an hman asile khawpisung tinkimih a suakmi hnawm rimsia pawl a hlo ttheh thei ding a si tin a sim bet.

Himi  hmanthawk a si tikah Daantatnak (Upadi) hmang lo dingin Upa pawl in an sim. Himi hrangah mipi in an thlun lawngah hmailam ah hi thil hi a hmun ringring ding. “Can a hung rei ih an thlun lo le Daantatnak a hung si leh mai ding” tin a sim. Hnawnhlawnnakdip pawl cu mipi in an lei dingih cumi dip pawl hmansalnak (Recycle) ihsin sum man khal nuam teten a thla vivo mai ding tin a sim.

“Hnattuantu pawl in Kaw thar an tuah ding. Cutin an hman cia zomi Plastic pawl kha (Sii-Pin) pawlin an la sal dingih hnatuantu pawl man-awl zetin an pe sal ding. (Sii-Pin) pawl khalin (Recycle) tuah in an zuar sal ding. Cutin sumret cu a tla vivo mai ding. Recycle tuah caanah Kaw (glue) hnang pawl hmansal a theih lo ih Ramleng ih thlenmi thilri man tla a zia um ding” tin a sim.

Hnawnhlawnnakdip cu Size phunthumin tuah a si ih 9 x 20 size asimi dip cu 15 Kyat, 12 x 25 size asimi dip cu 20 Kyat, 16 x 32 size asimi dip cu 80 Kyat in zuar a si ding ti’n hnattuantu pakhat in a sim. “Recycle tuahsalmi dip cu thimnakah 80 man asimi dip cu 50 tluk a man a ttum thei” tin a sim.

Dagon khaw thar nisuahnaklam ih nu pakhatin “himi cu thlun thei lo ding zianghman a um lo, mi tamsawnin hman a si cun thluh ding a si ko” tin a sim.

(Visited 35 times, 1 visits today)

Comments

comments

Comments

%d bloggers like this: