Kawlram Cozah in Thawngtla Pawl Suah Bet

BBC | January 14

Theihcio zo vekin Kawlram ram cozah cun Politics ruangih kum reipi sung thawng thlak mi minung ziangmawzatcu mizan, tlawngkaininga sunah a suaih, Kawlram hi kum 2010 ih hrilawknak an tuah ihsin a ttha zawngin a heraw rero ih ruah a si.

Kawlram cozah in Aung San Suu Kyi an suah hnuah mipi leh ram dang pawlih nawrnak ruangah Politics ruangih thawngtla minung 651 pawlcu suah dingin a rak tiamkam zo ih, himi pawl lakah minung 100 lenglo deuh cu mizan sunah suah an si.

Mizan sunih thawngtla suah asimi pawl lakah kum 1988 ih ralkap cozah uknak duhlonak langter tupawl hruaitu Min Ko Naing khal a telih, Kum 2004 ih an kaihmi Prime Minister hlun, Khin Nyunt leh  thuthangca thehdarhtu Democratic Voice of Burma ih hnattuan tu minung 3 pawl leh Shan miphun hruaitu U Khun Tun Oo khal an suak tel. Mizan sunih thawngtla  an suah mi pawlhi minung ziangzat cekci an si ticu relfiannak a umlo nan 100 lenglo deuh ih theih a si.

Aung San Suu Kyi cun tui dinhmun ah minung 1,000 lenglo thawnginn sungah an um lainan tui ttumih Kawlram cozah thil timi parih a lungawi thu a simih tu’i thawnginn sungih umlai pawlkhal an suahbet a beisei thu leh ralkap leh cozah karlak ih remnak leh  thurual tei an feh vivo a  beisei thu a simih hleiah President, U Thein Sein khal ram hrangih  rorel nak ttha a neih vivo ding a beisei thu a sim.

Tui thawngtla suak pawlhi President, U Thein Sein ih a ngaidam hai ruangih suahmi an siih, cozah Redio leh TV cun tui thawngtla an suah mi pawlhi ram hrangih tthatnak ding lamzinah tthazetih an hmanawk an beisei thu an phuang. Kan dung naite an Kawlram cozah in thawngtla minung 6,656 pawl a raksuah zoih, midang 38,964 pawlkhal an thawngtlak ding tikcucaan a rak thumsak zo a si.

(Visited 39 times, 1 visits today)

Comments

comments

Comments

%d bloggers like this: