Kawlram Cozah In Karen Khuasung Mi Dan Lo Tak In Kai

Karen News | January 25

BGF Pawl Karen Khua Ih Umlai

Mit ih hmutu in a rel dan vek a si ahcun an khua lal, Saw Aye Paw (45) le mi dang 2 : Saw Kaw Pai (50) le Saw Kyaw Eh (28) pawl cu ralkap thuam ih thuam aw miphurpi in motaw 4 thawn an klhua ah an ra ih an  kai a si.

Karen thuthang in a tarlan danah cun ralkap pawl cun an mi kaihmi pawl cu Hlaingdwe Township, Lone Ka Htike khua, Myaing Gyi Ngu area hrawngah an fehpi thu a  tarlang. Khua sungmi pakhat cun ralkap kaih tuar pawl cu an thin a phang zet nan ralkap pawl cun an sawisa lo tiah a rel.

“ Ralkap pawlcu kan kua ah an ra ih hi mi 3 pawl cu an kai. Kan khua mi pawl cun ralkap pawl cu an ‘Ziang ruangah an kai? Ziang sual saw kan tuah?’ tiah thu an sut tik ah BGF cun ‘Nan tuahmi nan thei ko’ tiah an rak sang. Nikhat le zan khat kaih an si hnu ah an kaih mi pawl cu Pa-an ah hmin dam ten an rawn kuat kir leh sal a si.” tiah thutheitu pakhat cun a rel.

An kaih mi pawl cun an mah kaitu pawl cu Kawlram cozah ralkap a si thu le Lah Theint ih hohami, Border Guard Force an si thu an rel.

Thutheitu in a rel dan ah cun hi khua lal an kaihnak san cu khuami pawl in Lah Thient cu cozah thuneitu pawl hnenah Nat Htate khua ah lohmun acre 3,000 lenglo dan lo vek in a lak ti thu complaint-nak ca an thehlut ruangah a si thu le hi lohmun acre 3,000 ihsin acre 237 cu loneitu diktak pe kir ding in cozah thuneitu pawl in an ti ruangah a si thu a rel.

Khua mi pawl cun hi lohmun cu an pipu san lai ihsin an rak neih zo mi a si ih hi an hlohmun cu Kawlram cozah hnuai um Democratic Karen Buddhist Army le Border Guard Force pawl in an laksak ruangah hivek ih an buainak san a si.

(Visited 46 times, 1 visits today)

Comments

comments

Comments

%d bloggers like this: