Kawlram Ah Sim Card Man-awl Te’n Lei A Theih Cing Ding

BBC | January 4

Yangon : Kawlram ah a ralai ding mi March thla ihsin mobile phone simcard man ah Kawlram 5000.ks ih lei theih a si thlang ding thu Shwe-Pyi_Takhuan company thuneitu lam ihsin theih a si.

Shwe-Pyi-Takhuan company hotu le managing director U Luan Nei U cun Yangon khawpi, Royal Park ah January 3, tlawngini hnih ih thuthanglatu pawl kawmnak a neih tum ah, “Kawlram cun remthatawknak tampi a fehpi rero zo ih cu’i remthatawnak  lak ihsin langngan ih hmuh theih a simi pakhat cu Kawlram cozah in ram mipi cu zalennak le mal awlai te’n mobile phone an hman theinak ding ah biaktlangawknak lam khalah ti camtlung vivo ih tuah cun simcard khal man awl te’n zuar a theih thlang ding tiah” a rel.

“Ahmaisa in Kawlram ih Irrawaddy state le Yangon state ah hman theih ding ih tawrel hmaisak a si ding ih Naypyidaw le Mandalay state khal ah hman theih ding ih tawlrel vivo a si ding” tiah a rel bet.

3G Sim Car tan khat cu thla 6 sung mipi lei theih ding ih zuar sawn a si ding ih 4G khal kum 2012 sung ah mipi hman theih ding ih hmalaknak an neih rero thu le ting 30 lenglo zuar suah thei an tum rero thu khal a rel tel bet. Hi sim card cu hman theih a si ngaingai ah cun local phone hman man ah 25.ks a si ding ih khawleng biaknak ah 30.ks a si ding. Universal Mobile Telecommunication System (UMTS) hi kum 2001 ihsin Japan ram sungah hman a rak si zo ih kum 2004 ah Europe ram pawl ah hman a si leh ih kum 2012 ah cun Kawlram tiang ih hman theih ah a um zo. Kawlram cozah cun Shwe-Pyi-Takhuan company ihsin tax an lak zat cu zatek 40 a si ih Shwe-Pyi-Takhuan company in zatek 30 an lak ding. Cuhleiah a leng ih zuarsawngtu ding pawl hrangah khal zatek 30 pek an si ding a si.

Kawlram cun tu dinhmun ah cun sim card a hman mi cu pakhat ah ting 5 man a si ih tu vek ih man-awlai te ih hman theih ding in Shwe-Pyi-Takhuan company in hmalaknak an neih rero ruangah company dang pawl khal cun a rei hlan ah sim card thar an tuah vivo a zum um thu thuthangca cun a tarlang.

Shwe-Pyi-Takhuan company in Kawlram mipi hrangah hi sim card cu hman theih ih an zuar suak ngaingai a si ah cun mobile hmangtu an tam phah ding ih Kawlram mipi cu hmailam ah thansohnak in a hngak ti cu kan thei cio a zum um.

Comments

comments

Comments

%d bloggers like this: