Kawlram Ah Michael Learns To Rock Concert Nei Ding

130217rock

Kawlram Ah Michael Learns To Rock Concert Nei Ding

YANGON : Michael Learns To Rock hopawl cun, a voikhatnak ah, Kawlram ah concert hlunghlai zet ih neih an tum thu theih asi. Hi concert hi, Yangon khawpi sungah tuah asi ding ih, Pyi Tuh Yin Pin ah neih asi ding. A tikcu can hi March 31 ni a si ding. Annih pawl hi, Kawlram sung khal ah mipi ih theihzetmi hlasakthiam an si ih, an hla tamtak khal kawl hla ih lehmi an um. An hla lar seuh pawl lak ihsin “ Blue night, Take me to your heart, Paint my love le 25 minutes” timi pawl tla kawl hla ih lehmi ansi ih, mirang hla ngaingai khal in theitu le thiamtu an tam zet. Ticket hi March thla tir lam ihsin an zuar ding, aman lawngte cu ziangzat asi ding ti theih asi hrihlo.

US Secretary of State Khualtlawng

WASHINGTON : US Secretary of State, John Kerry cun Europe lam ah khualtlawngin a can a hmang. Hi khual a tlawnnak ah hin Syria thu, Iran thu le Israel le Palestine karlak thupawl a fehnak ram ah a relpi vivo ding. Zarhpi sun kha Washington in London pan in a fehsuak ih, London ihsin Berlin, Paris, Rome, Ankara, Cairo, Riyadh, Abu Dhabi le Doha pawl a pal phah ding. Tuitum a khualtlawnnak hi ni 11 rei dingih a ruahman mi asi.

South Korea President Thutiam La, Thusimnak Ah North Korea Rel

SEOUL : South Korea ram ih nunau president hmaisabik tuantu, kum 61 ih upa Park Geun-hye cun, Tlawngkai Nikhat Ni ah President thutiam la in, cui thutiam a lakni ih a thusimnak ah, N. Korea ram ih an tumtahmi pawl tuahlo dingin asim. “ Nuclear tuah an tumnak  pawl bansan in, remnak le daihnak lamzin ih North Korea a feh ding hi ka duhzet ih, cucu ka ngen duhmi khal asi” tiin asim.

(Visited 52 times, 1 visits today)

Comments

comments

Comments

%d bloggers like this: