Kawlram Ah Harhdamnak Insurance Dil Theih Thlang Ding

11428543_841314175956588_7649995004912090855_nKan Kawlram ah atuih a lar thokmi harhdamnak lam aamahkhaan (Health Insurance) hnațuannak thawn pehparin Health Insurance dilnak July 1, 2015 in on thok a si ding thu June 15 sunah phuansuah a si.

“Harhdamnak aamahkhan hnațuan timi cu 3% lawng a hlawknak hmuh theih a si ko nan hnemnaksum pek a țul caanah cuih hlawknak hmuhmi sun hleuhli khal a tel cih thei ruangah company pakhat lawng cun tuah ngam a si lo. Atu cu company 12 telin tuahmi a si ruangah kan tuah ngam” tiin U Maung Maung Thein in a sim.

Aamahkhaan company pawl cu Kawlrammi ih neihmi lawnglawng an si ih ramdangmi pawl cu tuah sian an si lo thu, hnemnaksum pek khalah company in a pek ding thu, thlakhat ah ks.4000 in kum khat ah ks.50000 si ding cun mizovek hrang khalah a awm-mawi ko ding ruahsan ih tuah an si thu le aamahkhaan dil tikah thisen ceknak man cem a țul ruangah a hlanih natnak an rak neihciami pawl cek sian a si lo thu pawl khal a sim bet.

Harhdamnak hrang aamahkhaan diltu cu Kawlrammi, Kawlram sung um le thuhla phunphun ruangah Kawlram thlengtu ramdangmi pawl khal dil theih a si thu U Aye Min Thein in a sim. Kum 6 nauhak ihsin kum 65 pitar/Putar tiang dil theih a si ih kum 6 ihsin kum 18 lak nauhak pawl cu nu/pa lole kilkhawitu pawlin dilsak an si ding a țul thu khal a simfiang .

Harhdamnak aamahkhaan hnațuannak cun siizung to tikah bomnak pekawkdan a um ding ruahsan in tuahmi a si ih neta a theitu an tam tikah hlawhtlinnak an hmuh an beisei thu khal a sim tel.

Hrm – Kamayut Media

(Visited 144 times, 1 visits today)

Comments

comments

Comments

%d bloggers like this: