Kawlram Ah Eithupnak Um, Zohfiahnak Nei Ding

corruptionmap305YANGON : Kawlram cozah ih telecommunications ministry ih tuanvo neitu Thein Tun cun, kan dung zarh ah khan zianghman simcia nak umlo in a hnatuan a ban nak thuthawn pehpar in kawlram cozah dinglai (Pu Thein Sein ih cozah) cun zohfiahnak an nei ding. Kawlram ih Bureau of Special Investigation (BSI) pawl cun tu ah Thein Tun ih cangvaihnak cu an thlingthla ringring ih, Naypyidaw suahsan khal an sianlo thu theih asi.

Cozah hnatuan pakhat, a hmin rellang dulotu cun, “Kawlram ih telecommunications ministry ih hnatuantu mi 20 cu ah BSI pawl in thusuhnak an nei rero zo. Hi an thusuhmi pawl a fiangfai asi ah cun, tuihlan ih hitawk ih hnatuantu pawl khal ko in zohfiahnak le thusuhnak neih ding asi. Thein Tun cu khual a tlawng duh asi hman ah cozah thuneitu pawl hnen ah khawitawk a tlawng ding ti fiangten a sim hnu lawngah khualtlawn an siang ih, tu ah Naypyidaw ihsin suah khal sian asi lo asi” ti in asim.

Kawlram sung ih eithupnak thawn pehpar in Thein Tun hi BSI pawl ih zohfiahmi a pakhatnak asi thu khal asim. Pu Thein Sein in 2011 ihsin kawlram a hruai hnu ah, ziangkim ah fiangfai zet ih hnatuan dingin leh, a thalo mi hlawn ih cozah thianghlim din ding a duhnak ih karbak khal asi fawn.

Comments

comments

Comments

%d bloggers like this: