Kawlram Ah ‘E Light Company’ In Ks 20 Man Sim Card Zuar Suak Leh

Myanmarnewshub | January 27

Kawlram company thangsobik lakih tel ban ‘E Light’ company cun January 26, tlawngkaini li ihsin Kawlram sungah an hlan vek in Sim Card veikhat hman pawl an zuar suah leh zo thu U Sein Khin Mg Aye in thuthanglatu pawl hnenah a sim.

Kawlram ah kum 2010 ihsin GSM mobile cu mipi hman tambik mi asi ruangah phone line lam ah harsatnak a rak um phah ih asinan Kawlram cozah in phone line cu kausawn ih a awn rero zo ruangah hivek ih an zuar tan lehnak san a si.

“ Line lam khal ah harsatnak a um tuk nawn lo ih tuahcun kan zuar leh thei sal zo. Asinan Kawlram phone line cu ahlan vek thotho a si lai. A that lam cu a pan vivo ko nan a tha tawk hrih cuang lo.” tiah U Sein Khin Mg Aye cun a rel.

Hi FEC sim card cu veikhat lawng ni 28 sung hman theih  asi ih phone hmanman ahcun FEC pia 30 le a lutlam hrangah pia 5 a si ding  asi. Asinan hi sim card lei duh hrangah cun ram milesa sinak ID Xerox thawn a lei a tul ding a si.

Kawlram ah hivek ih veikhat hman ding hrangih tuan asimi sim card cu kum 2008 ihsin ramlengmi pawl an feh tamnak hmun Yangon le Kalram khawpi hmun dangdang ah zuar tan a rak si zo ih mipi khal in an duh in an hmang tam thu thuthangca in a trarlang .

Norway ram mobile biakpawh-awknak lam ih tumbik Telenor Group tuanvoneitu Sigve Brekke cu Norway ram Foreign Minister Jonas Gahr Store thawn January 25, tlawngkaini thum ah Kawlram House Speaker U Shew Mann an tawn tum ah Norway in Kawlram ih biakpawh-awknak lam ah a invest ve duh thu an rak rel zo a si.

Norway in Kawlram ah hivek ih biakpawh-awknak lam ah a invest ngaingai a si ahcun Kawlram cun a reihlanah ram dang vek in mobile cu a hmang thei thlang ding a si.

(Visited 67 times, 1 visits today)

Comments

comments

Comments

%d bloggers like this: