Kawlram Ah Billion 500 Thawn Tan A Si Dingmi Co-proactive Company Din Ding

The Flower News, Myanmar New Shub | January 28

A rei hlan ah Kawlram sung rori ih ramsung mi hmuahhmuah tel theinak co-proactive compay Billion 500 ih tan a si dingmi cu din a si ding thu ramleng thuthangca in a tarlang.

“ Pursumleilawnnak ah team in tuan tlan ding a si. Ramleng lam khal ah kau sinsin in hmalaknak kan nei cih ding. Asinan hi company cu zohman in thunei zet in an uk lo ding. Mi tamsawn ih duhdan in kan feh ding.” tiah Kawlram ih fangfai lam thawn pursumleilawnnak tha neitu company president U Chit Khein in a rel.

Company ih share cu ks. 10,000 asi dingih share zuar asi tikah company team cun zatek 35 an lei thei dingih zatek 65 cu lolam hnautuantu pawl zuar an si ding a si. Asinan mipakhat in share cu a tambik ah 500 lawng a lei sian a si ding.

‘ Share man cu a khung lo. Loneitu pawl le lo hnatuantu pawl in 10,000 share kan neih men ah ziang tluk in hlawknak kan nei ding!!! Loneitu le lo hnatuantu pawl cu technology sang le tha thawn bawmnak an pe thei ding a silo ahcun kan ngiahven peih maimai zik lo. Share neih lam lawnglawng an rel a sile hi company ah awlai te’n kan luh ka zum lo. Technology sang le cangkang thawn in bawm thei hi a thupi sawn.” tiah loneitu U Tin Thuan cun a rel.

Hi company Billion 500 ih din tan dingmi ah loneitu le lohnatuantu pawl duhsaknakah share neitu an tam vivo a si ahcun Billion 500 ih bet a si leh ding thu khal theih a si ih Billion 30 share cu a rei hlanah zuar tan a si ding a si.

(Visited 51 times, 1 visits today)

Comments

comments

Comments

%d bloggers like this: