Kawlram Acozah In Thawngtla 7,114 suah

Kawlram acozah in thawngtla mi 7,114 pawl hnenah amnesty (suahnakthu) ape tin ramsung television in 17 August 2009 ah a phuang a si.

Cui pawl lakih tello Political ruang ih thawngtla mi 2000 pawl an suah ding le ding lo theihhrih asilo ti thu khal an phuang tel bet ih NLD hotubik Aung San Suu Kyi ih hnatuanpi 500 pawl an suah tel le tello khal mipi pawl an sim thei hrihlo. Acozah pawl cun hi thawngtla pawl hi an nungcangtha ruangih suah in a phuang bet.

Acozah in kan dung February thla ahkhan thawngtla mi 6,300 asuah zo. Cui a suahmi pawl cu ara lai dingmi hrilawknak ah an telve ding ti a si. Asinan political cangvaihnak ih teltu taktak mi 17 lawng cuisuahmi lakah an tel. Cun, kan dungkum September thla ah  mi 9,000 a suah sal bet.

Hi ttum ah kum 78 ih upa Journalist Win Tin khal suah telve a si. Annih hi kawlram political ruang ih thawngtla reibik khal a si. Hiti ih an suahnaksanbik pakhat cu kan dung 2007 ih phungki pawlih lamzawhnak an neih ruangah a si tin thuthang cun a phuang.

RTT News

(Visited 29 times, 1 visits today)

Comments

comments

Comments

%d bloggers like this: