Kawlram Acozah In Thawngtla 651 Suahzalen Leh Ding

Irrawaddy, BBC | January 13

Kawlram president U Thei Sein cun hluat-ngein-chianta-khuan (amnesty) a phuan mi ‘thuthawn pehparaw in Kawlram thawninn ihsin tu’i ni January 13, tlwngkini nga ih  thawntla 651 an suahzalen dingmi ah ramthukhel ruangih thawngtla tamzet an tel a zumum thu NLD le 88 generation tlawngta pawl cun an zum tiah thuthangca in a tarlang.

NLD thusimtu, U Ngian Win cun, “ Kei khal in tu’i tum thawngtla an suah dingmi ah ramthukhel ruangih thawngtla tam zet an tel ka zum. Pyat-hmu seinya setaw uhpadi 4011 le 401/2 ti in thawgtla suahzalen theinak daan pahnih a um. Cu’i daan 401/1 ah cun thawngtl suah zomi pawl cu kum khaw hrangih suahzalen an si ding. U Thei Sein khal in cu’i daan cu denkhen in a relmi asi ka zum.” tiah thuthanglatu pawl hnenah a sim.

Kawlram MTV in January 12, tlawngkaini li zan nazi 6 ih a phuanmi ah cun thawngtla pawl cu Pyat-hmu seinya setaw uhpadi 4011 daan vek ih suahzalen an si ding a si.  Cutiasiruangah, 88 generation tlawngta thenkhat pawl khal an suah ve a zum um ih kum 32 lai thawng an tlak mi Nay Bung Lat, U Khun Tun Oo, 88 generation tlawngta hruaitu Ko Min Nei, Ko Ko Gyi le Mah Nila Tein  khal a tel ding ih zum a si.

Kawlram acozah in thawngtla a suah hi tu’i tum thawn cun a vei 4nak a si thlang ding ih a vei 3nak tiangih thawngtla an suah zalenmi pawl cu 20,000 an si zo. Cu’i 20,000 lak ihsin ramthukhel ruangih thangtla 347 lawng an tel. Cu ti a si ruangah thawngtal suah a simi pawl cu ramthukhel ruangih thawngtla an tel lo ti tuk ih mal an si lai ruangah tu’i tum cu tam sawn ih suah an si theinak ding ah Kawlram president U Thei Sein hnenah dilnak khal an thehlut zo a si.

(Visited 27 times, 1 visits today)

Comments

comments

Comments

%d bloggers like this: