Kawlawng

December 22

Zarhte Ni

 

Kawlawng

 

Bible Siar Ding: Filipi 2:1-11

 

Khrih cu Pathian sinak a nei rinring; asinain Pathian bang dingah hramhram in a tum lo. Cu ai ah Amah ih lungtho tein, a sinak hmuahhmuah a taansan ih, hnen-um sinak la tahrat in, minung ah a cang ih minung pianzia in a nung.

Filipi 2:6-7

 

“Na covo ngah dingin zuam aw.” “Na taa cu kaifek aw.” Kan covo le ka ngah dingmi cu thiiksiazet in kan kilhim tum nasa. Mi ttawnttai le ol teih fial theimi pawl lawngin an taa a si rorimi khal midang kut ah an thlengter.

Pathian Fapa si cingin Amah le amah cu a kawlawng aw (emptied Himself) ih Pathian a sinak khal taanta in minung ah a rung cang. Pathian a sinak cu a cawl cuang lo, asinan kan sualnak ruangih A Pa Pathian ih thinhernak daihter dingah Amah le amah cu raithawinak ah a pek aw a si.

Tirhthlah Paul in Jesuh Khrih ih thinlungput (attitude) vek nei in kan covo le kan caan ttha pawl kha sungral ngam dingin in forh. Duhhamnak ih thapekmi asilole duhhiarnak ruangah midang va namneh si loin, midang pawl kha kanmah le kanmah hnakin thupitter deuh ding kan si. Kan taa kan duh vekin anmai’ taa cu an duhzet ve timi theihsak thiam ding a si.

Mai’ covo le caan ttha pawl taansan siang le midang pawl hnenih va pek le  va coter ngam khi mi ttawnttai kan sinak langternak a si lo, cumi cu Khrih kan bangnak langternak sawn (sign of Christlikeness) a si.

Fapa Pathian, Pa Pathian ih duhnak famkimter dingah na covo le na caan ttha taansan ngam in duhdawtnak na langter, kei tla midang parah cuvek thinlung nei thei ve dingin in bawm aw.

Tuni ah ziangmi pehtlaihnak khi si ka covo le ka caan ttha midang hrangih pe dingah Pathian ih in kawhsan?

 

@Ava Pennington

Comments

comments

Comments

%d bloggers like this: