Kawl Ti Toih Puai (Tingyian) Mandat Parih Hnipuan Awm-ang Lo Tuk Hruh Pawl Kilkhawtu Ret Ding

Tingyian
Tulaifangte Kan Kawlram thuthang zoh tin in Kawl Kum Thar Ti Toih Puai thu lawnglawngin a khat. Himi Kawl Ti Toih Puai hi anmah kawl pawl khalin Fala note pawl ralrin an pekawl rero tikcu caan a si.

Yangon khawlipi Toingyian mandat tinkim ah kilkhawitu pakhat cio ret tahratin Kawlram nunphung thawih milaw lo tuk hnipuan hruhtu pawl hminsin ih kawh an si dingih an dawnkham ding thu Ramtthen nunphung kilkhawinak hotu Daw San San Nwe in a sim thu The Voice cun a tarlang.

A ngan peh vivonak ahcun kan dungkum Tingyian sung, Yangon Khawlipi sungih um Mandat pawlah nunau hnipuan awm-ang lo tukih hruktu pawlih zuk cu minung tampi ih hman a simi Facebook parah le Internet, website hrekkhat pawlah a darhawk thluh ruangah tuikum cu cuvek cang sal nawn lo dingin tumtahmi a si thu khal Daw San San Nwe cun a sim bet.

Yangon ramtthenpi acozah dinkhawmmi, Tingyian puaipi thawih pehparih dinmi Committee 10 lakah Myanmar nunphung thawih milaw lomi hni le puan kilkhawinak committee cun Mandat tinkim ah ttuanvo latu pakhat retin Zuk, Video pawl thawn rak hminsinih kawh le ralrinnak pawk an si ding thu pawl a ngan bet a si.

Comments

comments

Comments

%d bloggers like this: