Kawhnak

 

 

June 22 

Tlawngkai Nikhat

 

Kawhnak

 

Siar:

Efesa 2:14-22

 

Cuti a si ruangah Pathian bawi tokham cu raaltthazet in pan uhsi; Cutawkah zaangfahnak a um. Cutawkah ngilneihnak kan co dingih kan ttul tik caan ah zaangfahnak kan ngah ding a si. –Hebru 4:16

 

Kumkhat Sung Baibal:

–   Esther 6-8

–   Tirhthlah 6

 

Varsailles cu siangphahrang Louis XIV in 1682 kum ah France ih khuapibik ah a rak tuah ih 1789 ah Paris khua ih an tthawn tiangin khuapibik a rak si. Pi 241 sau thlalang hall khanpi thawn siangphahrang inn cu a mawizet. Mileng pawl in siangphahrang an ton duh tikah a tleu dupdomi a ngun siangphahrang tokham an thlen tiang kal nga ah veikhat khuk nuai lukun in upatnak an pek.

 

Ramdang aiawhtu pawl in an ram hrangah France siangphahrang ih mit-hmai ttha ngah dingin tangdornak thawn cuti’n an tuah ve. Cumi thawn kalh aw in siangphahrang pawl ih Siangphahrang kan Pathian cun a bawi tokham ah zalenzet ih ra dingah in sawm, lukun ttul loin duh tikah feh theih a si.

 

Cuvek sawmnak cu ziangtluk lungawiza so a si! “Khrih ruangah Judah mi siseh, Gentlile mi siseh kan zate’n Pa Pathian hmai ah Thlarau pakhat thawngin kan ra pan thei” (Efesa 2:18). Cuti a si ruangah zaangfah lainatnak a umnak Pathian bawi tokham cu raaltthazet in pan dingah in forh (Heb 4:16).

 

Pathian ih sawmnak cu na let zo maw? Van le lei uktu Pathian in ziangtik khalah na dilnak a ngai duh ringring; ttihzah le lungawinak thawn ra pan aw.

 

Tusun Pathian hnen sim na ttul,

Na thinharnak hmuahhmuah;

Na ttong duhmi sim men aw,

Na thlacamnak a thei ringring.

 

Pathian tokham fehnak lamzin cu a ong aw ringring.

(Visited 28 times, 1 visits today)

Comments

comments

Comments

%d bloggers like this: