Kawhhran sungih Thil umtu daan

November 3

Zarhte Ni

 

Kawhhran sungih Thil umtu daan

                                                           

Bible Siar Ding: 1 Korin. 12:1-11

 

Ziangahtile Pathian cu buainak le hnahnawhnak (disorder) Pathian a si lo; remnak le daihnak Pathian a si.

– 1 Korin. 14:33

 

Danglamnak (different) hi thil ttha deuh (better) tican a si ringring lo. Pathian in zumtupi Christian dang pawl keimah hnakin laksawng a pek cuangmi (gifted) ka hmuh tikah keimah le keimah raalrinnak ka pe aw. Kan kawhhran ih biakkhawmnak hruaitu (worship leader) cu ka uar nasa, ziangahtile tlakphar aw vek ka neihmi hin Pathian biatu zumtupi midang pawl kha ttih le lau ko a tuah ih hmun hlapi ah a tlanter ttheu. Lungawizet le aipuangzet ih um thei ringringmi tualleng tlawng phar parih zuk taarmi pawl ka uarzet, ziangahtile kei ih zuksuaimi pawl cu a san le a tican theih an theih lo. Kawhhran ih mawttaw sia rem tthatu pawl ka hmaizahzet, ziangahtile kei cu ka mawttaw ka start thei lo tikah ka ke in ka sit ngah pang ttheu.

Pathian in zumtu mi pakhat cio hi thlarau laksawng (gifts) phun dangdang ciar in pek, Khrih ruangpum a simi kawhhran tthansotternak dingah a si. Midang pawl ih thlarau laksawng le thiltitheinak pawl kan daw tikah, kanmai’ comi laksawng kha man neizet ih hmangfuh dingah kan tlolh tinak a si. Kan thlarau laksawng comi le kan thiltitheinak pawl kan hmang lo, kan thihter asile zohman in an tthathnempi thei lo ding.

Ziangkim semremtertu Pathian in zumtu mi pakhat cio kan hrangah thlarau laksawng remcaang in pek fingfing a si. Cuticun kan zate hin kanmah le kan thiltitheinak ih zirin mi tthahnem le mi santlai kan si theinak ding hmun le zawn ah in ret fingfing a si.

Ka Pa, Kawhhran sung hmun pakhatkhat hrangih mi santlai le mi tthahnem ka si thei venak dingah laksawng danglamzet in pek. Ka comi thlarau laksawng pawl a thup mentu si loin Na Hmin sunlawinak hrangih a hmangfuh theitu si dingah in bawm hram aw.

Midang ih comi laksawng ka dawt ruangah ka thlarau laksawng comi pawl lakah ziangmibik so ka hman lomi a um? Khrih ih ruangpum a simi Kawhhran tthansonak dingah tuni ah ka laksawng comi hmangfuh dingin ziangti’n hram ka thok thei pei?

 

@Pennington

(Visited 31 times, 1 visits today)

Comments

comments

Comments

%d bloggers like this: