Kawhhran Famkim

July 30
Tlawngkai Nikhat

Kawhhran Famkim

Bible Siar Ding: Hebru 2:11-18

Amah in minung pawl cu an sualnak in a tlengfai ih Amah le a tlenfaimi hmuahhmuah in Pa pakhat an nei tlang a si. Curuangah Jesuh in annih pawl cu “ka unau” ti ih kawh dingah a ning a zak lo. – Hebru 2:11

Ka mitheih nupate cu a famkimmi kawhhran an hawl rero, asinan khui tawk kawhhran khalin an duhmi tahfung (standard) cu an tling thei ta lo. Kawhhran pawl cu an tumzet, a fatezet tla an um, dai zirziar in Pathian biak, au ceelceel ih Pathian thangtthat, khuahlan daantuk in biakkhawm asilole sanmantuk ti vekin an si ruri thluh.

Hih danglamnak pawl hin Jesuh ih thinlung an hnaihnokter lemlo ding, kawhhran sungtel zumtu pawl in Amah cu Rundamtu ah an pom ih Yahweh Mekoddishkem kha sunloih upatnak an pek ahcun. Jesuh cun Christian pawl cu “Ka unau pawl” ti ih kawh dingah a ningzak lo (Heb. 2:11), ziangahtile Amah in kannih cu vancung ih um Pathian thangtthattu dingah a dang te’n thliadangmi kan si ruangah a si.

Zumtu in kanmah le midang siseh, kan kawhhran le midang kawhhran siseh zo hi a nasa sawn pei tiih zuam duhnak thinlung thawn kan tahtthim awk tikah mi soisel duhnak thinlung kan thinlung sungah ol te’n a suak thei. A thupit lonak parah kan zoh ih Yahweh Mekoddihkem in Jesuh Khrih thawngin zumtu zate in thianghlimter zonak kha kan hngilh pang ttheu. Thlaraulam kan khualtlawnnak ah kan telnak kawhhran a bang aw cio lo men ding, asinan Jesuh Khrih cu i Runtu le ka Bawipa tiih kan zum hnget cio ahcun kannih cu thlaraulam lamzin pakhat ah khualtlawng tlang mi kan si.

Kan telnak kawhhran le sungtel pawl kan diriam lo caan ah, thil thupizet parah kan thinlung bun uhsi: kawhhran famkim kan timi cu tong ngah in ruat aw hman awla cuih kawhhran sangka na thlen le vete cun a famkimnak cu a reh ve mai ding sokhaw.

Yahweh Mekoddishkem, zumtu dang pawl ziang siar lo le ngainep ih ka tisiatnak pawl hi in ngaidam hram aw.

Anmai’ telnak kawhhran a soisel rerotu Khristian mi titer aw pawl hi ziangti’n so thazaang ka pek thei ding?

@ Ava Pennington

(Visited 30 times, 1 visits today)

Comments

comments

Comments

%d bloggers like this: