Kashmir Ah Buainak A Thok Saal

Kashmir ah buainak a thok saal4264522640-thousands-march-in-kashmir-to-honour-slain-leader

Kum 2008 ihsin India ram saklam, Kashmir khua ih muslim pawlin an umnak khua le ram cu anmai’ bulpak ih uk ding an dilnak an aupi hnu ah acozah cun palik le raalkap thazaang thawn a kil ringring ih, muslim pawl puai nikhua a thlen tinte’n an buainak cu an langter ringring.

Kan dung zarhpi ni ah Kash- mir mipi pawl cun acozah dodalnak thu an aupi ih, sandahpiahnak an tuah saal ruangah palik pawl cun mitthli tlaknak (tear gas) thawn dawi an tum ih, cuih mitthli tlaknak cerek hawng cun nauhak pakhat Wamiq Farooq (kum 14) a khawng that ruangah, tlawngkai nikhat ni ah palik station pahnih cu mipi cun siatsuah an tum.

Kashmir pawlin buainak an tuah tinte’n thih hlohnak a thleng ringring tiah acozah cun a hminsin ih, kum 20 hnakih tam sawn cu India le Pakistan karih buaibainak suahtertu (India ih um muslim pawl cu tapung pawlin an tukforh ruangah) an si vekin, acozah khatlam le khatlam siseh, tapungpawl thawn do awknak ruangah siseh milai 47,000 an thi zo tiah In- dia ram thuneitu pawl cun an sim. – AP 

Nunau pakhat in thihcilh bomb in mi 54 a that

Kan dung tlawngkai nikhat ni ah Baghdad khawpi thlanglam ih Karbala khawpi ah Shite muslim pawl in ‘ni thianghlim’ an hmannak ah nunau pakhat in thihcilh bomb a puahter ih mi 54 an thi tiah Iraq thuneitu pawl cun an sim. Kan dung zarh tlawngkai ninga ni ihsin an hman thokmi Shite muslim pawlih ni thianghlim (an biaknak hotu ‘Imam’ Hussein ih thihnak parih ni 40 sung an unnak puai) ah thlacam ding pawl lak ihsin nunau pakhat cun bomb cakzet a puahter ih, midang 117 lai in hliamhma an tuar. – AP

Siangpahrang Tutankhamun ih DNA zohfel tum

Kan dung zarhpi ni ah Egypt ram ih mithiampawl cun hlanlai ih siangpahrang Pharoah pawl lakih hminthangbik Tutankhamun ih DNA an zohfiangnak ihsin an hmuhsuahmi pawl cu hmai February 17, 2010 ah an phuang ding tiah a sim. 

Cairo khawpi ih Museum (hlanlai thilri pawl retnak) thuneitu pawl cun siangpahrang Tutankhamun ih ruak (mummy) an laihsuah vete’n mithiam pawl cun DNA (taksa ihsin zoveka si ti theih theinak) an lasuak zo tiah an sim. 

Tutankhamun hi kum (9) lawng a si ihsin siangpahrang hnatuan zo ih, kum (19)a si laiah a san theih loin a thi. 1922 ah British archae-ologist Howard Carter cun leihnuai ihsin a laisuak ih, 2008 August thla ah Egypt mithiam pawl cun Tutankhamun ih ruak kiangah nausen pahnih ih taksa khal an hmuh thu an sim. 

Cuih nausen (pum sungih nausen: foe- tus) cu Tutankhamun ih fa an si thei ih, siangpahrangnu Ankhesenpamon thawi an neihmi an si thei tiah zumnak an nei. DNA ihsin an thil hmuhsuahmi pawl cun siangpahrangnu Nefertiti ih thuhla le Tutankhamun ih cithlah pawl khal a simfiang thei tiah an ti. – AFP

(Visited 32 times, 1 visits today)

Comments

comments

Comments

%d bloggers like this: