Karen Martyr Day Tuah

1001111_617090214998287_1361555831_nKaren Martyr Day cu August 12 ni ah, Karen ramkulh Tantaungyi peng sungih Yethulay khua ah an tuah. Himi hi kum 63 a reizomi Karen hruaitu Saw Ba U Gyi ih thih ni an suhlawihnak a si ih, atu hi a voi 1nak an tuahnak a si.

Karen hruaitu Saw Ba U Gyi hi 1950 kum August 12 ni ah Karen ramkulh Kawkareik khua ah a rak thi ih, cumi a thih ni cu Karen Martyr Day, tiin tuih kum ah an tuah thok. An tuahnak cu Tantaung khua ah a si.

Himi hi Karen Zalennak Ralkap pawl hohanak ih tuahmi a si. An hruaitu le a kuttlang ralkap pawl hngilhlonak ih an tuahmi a si. Himi ni ah Karen Miphun Pawlkom ihsin Gen. Mu Tu ih siman pekmi capi siarnak, Karen Zalennak Ralkap pawl ih hmailam an fehdan ding mipi theihternak, a rak thihsantu an hruaitu Saw Ba U Gyi le a thimi a ralkap pawl hrang zunngaihpar peknak, riahsiatnak langternak ah a teltu zatein minute 1 sung daitein dinnak, timi pawl an tuah.

Pagu pengpi ihsin Karen Miphun Vuanci cun, “Miphun zatein thuanthu ih duhawknak tete a um theu. Cumi lakih a thupibik cu, mai miphun thangso dingin zuam hi a si,” tiin a sim.  Himi ni ah mipi 3,000 lai an tel thei ih, acozahlam uktu khal an sawm nain, a telpi hai lo, tiin an sim.

(Visited 60 times, 1 visits today)

Comments

comments

Comments

%d bloggers like this: