Kar Khat Kar Aw

March 17

Tlawngkai Nihnih

Kar Khat Kar Aw

Siar: Daan. 30:15-20

Bawipa nan Pathian cu duhdaw uh,.. a thu ngai in Amah cu pom hnget uh. Pathian cu nan nunnak a si ih,…nanmah le nan tefa pawl nunkhua sau in nan um ding,” tiah a ti.  – Daan. 30:20

Kumkhat Sung Baibal:   Daan. 30-31    Mark 15:1-25

England ram ih Coventry khua dawr tumpi ah thu zoihnittu pawl in, “Kailawn kai cu lungnat a kham,” tiah rong  mawizet ih canganmi ca an taar. Zarh ruk sungah kailawn ih kaitu cu cet kailawn ih kaitu hnakin a let hnih lenglo an tam sawn. Zoihnittu pawl in, “Karbak tinte an tthahnem ih ca taarmi an hmu ringring lawngah caan reipi an um daan ihsin an thlengh aw taktak ding,” an ti.

 Bawipai’ thungai in kan thinlung zate’n thlun theinak ding Baibal sungah khihhmuhtu tampi a um. Bawipa in a minung pawl tiamkammi ram an thlen hlan ah hiti’n a sim hngai: “Tusun ah lennak le nunnak asilole siatralnak le thihnak hril dingin nan hnenah ka lo pek a si….Nunnak hril uh… a thu ngai in rinsan tlak in nung uh.” (Daan. 30:15, 19-20)

Zumnak tumpi, lungtak ih relcat awknak, asilole hmuh tlak ih a langmi ttuannak in kan nunnak in thlengh ding tiah ruahsannak kan nei ttheu. A ngaingai ahcun kan thlengh awknak hi caan khat ah kar khat tete lawng a si ih cuih kar khat tete cu a tthahnem a si.

           Tuih sun ah cuih khihhmuhtu ih in hmuhmi pawl theithiam in thinlung takin Bawipai’ thu ngai uhsi!

 Leitlun lamzin pawl an thupi lo,

Pal dingin ka ke cu tuah a si;

Ziangti’n ka nung ti lawng a thupi,

Pathian ih thu ngai in.

 

Thungainak kekar fate pakhat cu

thluasuah ngahnak dingih kekar tumpi pakhat a si

Comments

comments

Comments

%d bloggers like this: