Kap-awk Colhding Lungkimnak November Thla Ah A Cang Theilo

KNU

November thla ih tuahding President U Thein Sein Cozah ih ruahsanmi Rampumhuap Kap-awknak colhding sign htoo dingmi cu a cang thei nawnlo ti thu November 4 ni ah Kachin State Khawpi Myintkyina ih tuahmi Cozah remdaihnak tuahsuakding group le Taiyinta hriamhrei kai group 16 ih a hmaisabik Remdaihding relkhawmnak ihsin theih a si.

“November thla ah kapawknak colh ding cu a sure tuk lo tin sim theih a si. Ziangruang ah tile Kan reltlang dingmi pawl a cem hrihlo khal a tel. Kanmah lam inkhal Kap-awk colhding pehpar in policy a thar cu Taiyinta pawl kan sim a ttul. Cun Taiyinta lam ihsin an theh lutmi Tlang lungkimnak an neimicu relkhawm ding thu pawl khal a um tin Ralkap hotubik ih special aana a pekmi Duh Bogyokegyi Myint Soe in Irrawaddy ah a sim.

Myintkyina relkhawmnak hmaisabik ni ttheh ah taiyinta pawl ih kap-awknak colhding pehpar in Tlang Policy lungkimnak cu Cozah lam ah thehlut a si ih Cozah lam ihsin Nainganyee relkhawmnak tuah hlan ah kap-awknak colh ding thu rel hmaisa a si ih Taiyinta Tlang policy lungkimkhawmnak ih tel cafang hrekkhat cu thleng ding ah dil a si thu theih a si.

” An mah inrem fialmi ah Federal Pyihtaungsuh Tatmadaw din ding timi cu Pyihtaungsuh Tatmadaw yeeya tin thleng ding an ti. A tulaitak ahcun himi par ah kanmah lamcun remdingin kan sim thei hrih lo” ti ah Nation Wide Cease-Fire Coordination Team (NCCT) ihsin U Han Ta in a sim.

Cuhlei ah Cozah lam ihsin Laiza ih an thehlutmi kap-awk colhding thawn a pehpar mi policy catlang silo in a thar an nganmi Polucy catlang cu an thehlut sal.

Tuini relkhawmnak thok a si hlan ah Ralkap hotubik Bogyoke Hmuugyi Min Aung Hlaing cun Taiyinta hruitu pawl cu Rampumhuap kap-awk colhnak ah Kan ttuanvo thupi pathum le “Democracy daan vekin” 2008 kum daan hrampi vekih thlunding le ttuan ding ah a dil.

Ralkap pawl ih lungput cu Ralkap hotubik aiawhin Nesat-yeeya Pyihtaungsuh Wunkyi Duh Bogyokegyi Tet Nai Win in a sim ih thu hrampi policy 6 a tel. Cupawl cu 1. Remdaihnak ngahding a tak ih duhnak um ding, 2. lungkimtlangnak pawl ah tiamkammi hnget ding. 3. Ramdaihding lungkimtlangnak pawl parin hlawknak la lo ding, 4. Kiangkap um mipi par ah thilrit si tir lo ding, 5. Rampi Cozah ih suahmi a umcia daan pawl cu famkim zet ih thlun ding.6. Kan Ttuanvo thupi pathum le Democracy daan vekin 2008 daan hrampi vekih thlun ih ttuan ding pawl a si.

President inle thu thlangpi policy 4 ( November thla thusimnak ah tel) cu relkhawmnak ah a thehlut ih Cozah lam ihsin thu tlangpi policy 4 le Ralkap hotu ih thu tlangpi policy 6 thawn zatekom policy 10 an theh lut. Si khal sehla Taiyinta a tam sawn in President ih policy thu tlangpi policy cu Taiyinta pawl ih kan dilmi pawl thawn a naih aw a bang ih Ralkap Hotu ih policy cu tampi a hlat-aw tin Taiyinta palai pawl in an sim

“2008 daan hrampi ahcun kan duhmi kan ngahlo ding tiah kan pom. Himi par in relding a si ko” ti ah U Han Ta cun a sim ih RCSS Shan pawl ihsin Colonel Sai Hla khal cun ” Remdaihnak tuahding timicu Aamahkhaan petu daan hrampi a um ttul. 2008 daan hrampi cu Rampi remdaihnak hrang a tak in a cangsuak tir thei maw ticu Mipi zate theih a si” ti in a sim.

“2008 daan hrampi vekin thlun uh ticu a si deuh lo. A tu kan simmi Nainganyee Problem tifel nak ah dawnkhamtu a si ding tiah phan a um. Taiyinta pawl lawng in remduh a si lo. Kawlram mipi hmuahhmuah in remduh a si” tin ALP ihsin sungttuan U Khai Thukha in a sim.

Cozah remdaihnak cangsuakding group le Taiyinta hriamhrei kai 16 ih a hmaisabik remdaihding relkhawmnak cu tuini November 4 le thaizing ni 5 ni pawl ah tuah a si ding ih November 5 ah Cozah lam ih thehlut salmi policy thar pawl relkhawm ding thu theih a si.

A kaitu Taiyinta hruaitu pawl cu LDU ih sin U Kyar Khun Sa, ANC ihsin U Htoon Zaw, DKBAihsin Ralkap Bawibik sang Saw Muu See, SSPP ihsin U Sat Khun Sai, CNF ihsin Dr Lian Hmung Sakhong, KNPP ihsin U Khu Oo Ye, UNFC U Khun Okka,U Nai Han Ta, U Dun A L Htut, KIOihsin U Sum Lut Kuan Maw, KNU ih sin Saw Mu Too Se pho, RCSS Colonel Sai Hla, NMSP ihsin U Aung Nai Min, ALP ihsin U Nai Thukha, PSLF ihsin U Ta Aih phon, PNLO U Khun Myint Thun, WNO U Tah Maha,KPC Major Saw Maung Maung Pawl an si. UN Palai Vijay Nambiar khal Mikhual poimawh pakhat in a kai tel.

Irrawaddy News

Lawrkhawmtu – James Thang

Comments

comments

Comments

%d bloggers like this: