Kanui’ Hnen Ah

Kanui’ Hnenah

                          (Elegy)

          Zalung hnem Sunghno ih tanghlum fak in
Zanmang hlumtu vanmi’n zaihla sak hai;
Zaihla zilthli hawp in thinlung a hnin,
Zuun hriphang in lungmuril a run dai.

thang miarmo ing, zantim thimnak sungah,
Biang ah luaithli luang in ngai lung a zur;
Ton ni her thiam lo piallei cang ngai ah
Hahfak hlei cui zuunthing rialruah bang sur.

Vuinak thlan ih tah cang khal thiam lo’n e
Anhai lungmawng zilthli’n a rak tuammi
Fahniang a tu, lungzunh a na hleice;
Lungruah rem thiam hlah e a cui biathli.

Mitthlam sungih rauthla, zingni bang thar
Hrualhri bangin ngerh, hringnun rianghlei hi
Vanhnuai lensung hulzai, hnulfai a har,
Tian cu lo riakmaw iang fahniang mitthli.

          Sunmang awitu aan thlum cirhti a kang,
Thlanhri hnultu zatial, beunak tangnem
Ngai-ih hlingphur zalam zawhtu ka hrang
Khui ah simaw Runtu na puanthuah fem?

Rorum hlei khuarel nelrawn lamtluan’h hin
Nauawih zaihla cemtiang sak man lotu
Pawhfawp fahniang tah-aw a sia herh in
Salem thar in a lunghnem thiam maw cu?

#Kum hnih hman ka kim hlanih thihnak zamual in liamsantu ka nu Za Kip Par hngilhlonak.

(Visited 38 times, 1 visits today)

Comments

comments

Comments

%d bloggers like this: