Kanpetlet Peng ih Inn Kang ah Nauhak Panga An thi

Chin ramkulh, Kanpetlet peng ih Khin khua ah January 9 zan ahkhan inn pakhat a kang ruangah a sungih itthat mi nauhak panga an kang that tiah DVB thuthang in a tarlang.

A kang mi inn hi Pu Mana Sui (kum 45) ih daap phar nei di inn a si ih, tappi ihsin kang thok mi a si thu theih a si.

“Upa pawl loram ah an riak ih nauhak pawl lawng inn ih an um zan ah a kang ti’n kan thei,” tiah Kanpetlet peng Meiphal Zung hotu sang Pu Bi Ra Moe in a sim.

Khin khua hi khawpi thawn peng 30 hlatnak ih um a si ih, a kang mi hi nauhak pawl boarding school vekih ca zirh khawmnak inn a si.

A thi mi nauhak pawl cu phun hrek tlawngta mipa 1 le nunau 1, phun khat tlawngta mipa 1, phun hnih tlawngta mipa 1 le nunau 1 an si.

DVB

Comments

comments

Comments

%d bloggers like this: