Kanmah Kan Si Sawn Maw?

Hniangsinpa

Ram a ṭhangso, a hmutu lakah ka tel, ram thangso ih kan neih mi khal a fel ṭheh cuang/ce lo! mawhphurh ding kan hawl, hmanseh zo si tuahsuak ngam? Ca tha thlah le ngan ruangah zosi famkim tiaw ngam? Siat le ṭhat teh zo si rel ngam? Zuu inn miin an zankhat ihthah thei lo ah ziang si an puh? Sa ei mi teh in an veikhat sa ei thei lo ih an um ih, an kaa a thawt lo ruangah zo si a puh ding? Puh ding kan hawl, kanmah kan rak si dah lo nan, lenglam ihsin rak zohtu cun ziang si a puh ding, zo si a puhmawh ding? Kanmah kan si ko maw? Ruat duh hlah, kan ruah sau deuhdeuh len kanmah kan si? Khuahlan ih tangka hmunkhat rak hmangtu khan tui sanah tangka in sullam a neih lo? Ziangah inn
hnen tihaang rak cawihtu khan tusanah a ti ngam lo? Zo si? Kanmah kan si sawn maw?

Ram ṭhangso ah ka thleng ti kelkel fawn siih, sungkhat unau hnen ihsin phone a dawn ngam lo? Tangka dil a phang maw? Ziang ruangah? Zo ihru angah? Kanmah kan si sawn pang maw? Biak men ah tangka kuatawk tengteng ding a si maw? Ram ṭhangso ih kan um ruangah, tangka kuat tengteng ding a si maw? An harsatnak cu an hnenah an sim ngam lo ding maw? Zirsannak teh ziang so? Fimnak teh ziang so? Millai teh ziang so? Thlan pakhat man teh ziang zat? Nitin hna ka ṭuan ti ruangih nupi fanau kutthlaktu thawn ziangsi danglamnak an neih?

Na cawm ka si lo ti teh zo in si rel? Lungrual khawmnak teh zo in a hawl? Pumkhat kan si ti ni an ṭong laiah teh zo in a ngai? Kanmah kan si pang maw? “Maw thihnak khuiah na neh, maw thlan khui si na
thimnak”? ti ngai ih ṭong fukfo ngam an tam lem maw? Mah le mah hman finkhawiaw thei lo, mah le hman theiaw fiang thei kan si maw? Ziangah midang theih kan tum? Kanmah teh ziang ce? Zo kan si? Khuiin ka ra? Ziangha ka si ti kan sutaw ngam maw? Kanmah hi kan si sawn pang maw? Thiamlo cangaw ter ngam lo cu?

Minung dam sung a sau lem maw si? Kan nun sung tal midang hnakin kanmah hi kan zohaw ngam maw? A hram in zawt/sui sehla kan tong a cem men kem? Kanmah hi thiamlo canteraw ngam dingin kan ral tha maw? Mah le mah hman theifiangaw lo in kan ṭong puppo pang maw? A Sersiamtu hmaiah mi fel tehin tongnak le ellnak ding an thei pang maw? Kanmah kan ṭhat ahcun midang khal an tha ih, kan thatlo ahcun zo si tha pai nawn cuang ding? Hnaṭuan sang teh ziang a siih, hnaṭuan niam teh ziang a si ce? Milian teh ziang an siih, mi nauta teh ziangso maw an si?

Ka hmuh dan cu mah le mah hi theih fiangawk a har bik ih, cumi thei fiangtu cu, mifim, milian, hnaṭuan tha tiah ka ruat.

(Visited 95 times, 1 visits today)

Comments

comments

Comments

%d bloggers like this: