Kan Ui Cingten A Liam Miarmo

KAN  UI  CINGTEN  A  LIAM  MIARMO

CT Media Group | January 18

Delhi um Laimi sungah kan rinsanmi le a nun khal  kan cawnmi, miphun a duhdaw zettu. Rawl ei hngilh khawp ih kan calai atcilh tu le zing khua vang tiang ih  buaipi theu tu, Delhi ih Lai mino calai ah kan mit a vang theinak dingih mitkharh in bun tertu le Pathian duh tuk tu le a tlin zat ih pum khal a hrangih pe aw zet tu Salai Uk Lian ( CT Chief Editor) in Australia ram ah umhmun hnget khuar dingin a rual le pi pawlih kan siang lo cingin a umnak ding ram nuam lamah kan ui cingten a  liam san miarmo thotho.

Ukte in Australia ram, ni 16. 1. 2012, ih in fehsan cu a tuanpi, rual le pi pawl cun kan siang lo, kan ui tuk. Asianan Bawipai remruah a si fawn. Kan Bawipa in malza tin sawm in Delhi ih Laimi hrangah a tuan zo bangtukin Australia khalah kan calailam ah le Pathianlam khalih an mit va vang ter sintu va si hram seh tiin thlaza kan cam sak.

Delhi ih calai dum sung in,
Salai Lal Sawi Ceu

(Visited 113 times, 1 visits today)

Comments

comments

10 Comments

  1. a runrel dan khal ka thiam lo e ukte hi ram le miphun duhdawttu tak a si ih delhi a suahsan ding cu ka ui zet hmanseh p.t zarah ram nuam lam panding a si he p.t in lam hruai vivo hramseh. A mai zarah timai sehla a sual tuk lem lo ding tui delhi ih CNCPD a din theinak khal a si.lo ui zet hman sehla na mi phun duhdawtnak thlaici delhi ih in tuhsak zo si. Hmai lam caan khal ah ram le miphun hrang hna na tuan ding bei seinak thawn. C.lian

  2. ukte, kala ram suahsan in ram nuam na thleng ih p.t na tihzahnak le ram le miphun na duhdawtnak na som vivo ka lo duh sak. P.t in lam lo hruai hram sehlaw.
    Salaisen

  3. Pu CT Ukte,

    Delhi in ramthumnak lamah na pok suak theitu kan rak thei ih ka lo lungawipi. Pathian in Delhi ih a lo hmannak hnakin Australia ah A hmin sunlawi le Chin mipi hrang mi t’angkai si hram tiah….

    Dam le tluang tein,
    Salai DL Senling
    http://www.ccyinews.blogspot.com

  4. pu CT,

    Delhi suahsan in Aus na thleng cu Pathian kutcak rori a si ee.

    Bawipa thatnak teptu na si ih na lungawi dan ding…..

  5. Ukte,

    Kan Pathian in
    Kan miphun sawmdawltu ah le hruaitu ah
    lo hmang vivo hram seh law!!!!!!

  6. Ukte,

    Delhi ih mino calai lam ih kaihruaitu a si ngai ding
    ka rak thei dah ngai

    Bawipa in mal sawm vivo seh

  7. Mai Sokhlei Par says:

    Dear Ukte,

    Ram thumnak na fehsuak thei cu ka lo lungawipi tuk.
    Khitawk khalah khatawk vek thothoin aw…
    Na fehnak, na thlennak le na umnak hmun kipah Pathianih tleunak in lo thlun vivo seh law!!!

  8. E heu. mithi thlah liamnak hmang ka ti ih.
    Lungawipimak lam sawn si maw!!! Sorry?

  9. Kan thin a nuamnak bik cu Aut. lam a feh khalah CT le calai hrangah a pum a pe thotho dingmi hi a si.

  10. Rual le zaten,

    Duhsaknak in hlan mi pawl ka rak siar ngah ih ka lungawizet.
    Delhi lam ih rual le pipawl ka lo ngai hai nasa.

Comments

%d bloggers like this: