Kan Ti-Daan Phung Thleng Ṭul Kan Timi Pawl

– Uk Lian11081193_660416237396994_1921586592957348361_n

Tuizan khalah mino tawk fang nawn kan to khawm ih kan nunphung hman vivo tlak mi, thleng tulmi le bet tulmi tvk pawl relkhawmnak kan nei. Laimi ih kan tlaksam mi tidaan phung le cawn tlak mi phung kan neihmi pawl tla kan khorh suak ih hmang vivo dingin kan rel.

Mirang ram, Vairam le miphun zakip cawkrawi nak hmun pawlah Laimi tamzet kan um tikah nunphung zir bet tulmi tampi kan nei. Cuvekin, kan nunphung lole kan ti daan phung mawi deuh lo pawl taan san tul mi tivek tete tla kan nei lala.

Kan relsuak mi tampi lakah a hnuai ih ta pawl hi tul hleice deuh ih kan hmuhmi cu an si.

SUNGKUA RAWL-EI KHAWM CAAN

Sungkaw rawl-ei khawm caan hi nunsim-awknak caan ah hmang nawn loin sungkua thunuam relkhawmnak caan sawn ah hmang thlang sehla a that kan zum ee! Zanriah ei khawm caan ah kan tongaw theu ih cuvek tonawk sun ih nunsimawknak le kawkawknak ih caan hman liam cu sungkaw nuam lo bik ti daan a siin kan hmu ih rem deuh sehla a tha kan ti.

Nunsimnak cu a dang ten hmang men sehla tivek khalin kan ruat buaibo. Rawl-ei caan cu phun-awknak caan si ding hnakin, kutkai aw ih thlacam caan sawn ah thleng sehla a that sawn kan zum. Kan nulepa pawlin in hoha dingah kan lungkim cih men! Falenau khal kawk tulloin kan um tum kei cu!

GREETING (CIBAI-AWK DAAN)

Miphun dangvek kan silo, kan hrangah duh caan caan ah I love you ti thei miphun kan si lo. Kan nunphung le tidan phung asilo. Fa le te in nulepa hnenah I love you ti ding tla cu ahar. Cuhnakin, nulepa in kan hnaa in tuai men sehla a ol sawn men ding. Ngah lo, kan tidan silo kan theu mi cu!

Nupa karlak khalah hivek (I love you) ti-awk kan zirh aw rero nan training sung lawng a daih theu. Ti dah lo tuk ti-awk khal, hmaisen ciamco men. Cun, hmur vek tla sah pin a um sawn lamlam. Asinan, himi hi kan zoh rero tikah cawntlak zet a si tiin kan hmu.

Ahleice in tonawk caan ih “holy kiss” tivek, asilo hman ah “pomawk” tivek hi cawn rori a tlak tiin kan hmu. Cibai awk hnakih mawi deuh tal tuah ve thlang sehla tiah kan lungkim khawm zet. Laipa in tuah thei lo a nei lo pi, a duh ahcun!

EYES CONTACT (MITHMAI PEK DAAN)

Kan nungphung le tidan ahcun saya zoh ngamlo, bawi upa pawl zoh ngam lo kan si. Asinan miphun tamzet lakah, a hleice in Mirangpawl cun biakawk ih zohawk lo asile nautat tivekin an ruat. Curuangah himi kan tidan phung ahcun midang thawn a bangaw lo tuk hleice mi asiih kan biakmi cu kan zoh ding ah a mawi zet tiah kan rel khawm lala.

Thusim khalah mipi zoh thiam, cun pakhat le pakhat biakawknak khalah zohawk thiam hi uar tlak zetin kan hmu. Interview tivek khalah eyes contact nei mi cu an duh theu tivek tla in kan rel bet.

MI HMAISONG NEI

Kannih Laimi cu mi hmaisong siloin upat pekawknak vekah hmaisong timi te hi kan hmang ih hmaisong tikhalin kan ko siang ding sawm! Kan upat langternak ah tla kan hman sawn mi a si. Mirang tongfang ah tla cun hmaisong timi ciah hmuh ding a harsa zet. Mi hmaisong neih tuk hi a rak tha lo zet hmang. Curuangah kan khua le kan ram ih mi hmaisong kan neih vek cun ram dang ahcun kan neih thotho a sile tidan phung mawilo zet a si ding.

LOMAWK THIAM

Kan nauhak le mino tete ih Mirang nunphung an dawt zetmi lakih pakhat cu, upa pawlin nauhak an lawm thiam mi te hi a si theu. Thil nasa emem kan tuah lo hman ah malte, tuahmi sunte khi mi an theih sakih mi an lawm theu tikah tha tho duhzetih nun a hlim duhzet. Zuam sinsin nak tla a si. Hi mi cangantu tla hi lawm uhla duh lovekin a um ding nan, a thupten a lungawizet ding ka zum.

Ps: Melbourne Chin mino pawl tonkhawm nak ih relmi asi.

Comments

comments

Comments

%d bloggers like this: