Kan Suahnak Khua Ah Mikhual Kan Si Thei Maw?

-Uk Lian

Tlangval note kum 23 a si mi, Mexico khawpi ih suak Jorge Matadamas hi kum 4 a kim tikah USA ah a thleng. Asinan, kum 20 hnu ah a suahnak khua ah a kirsal tikah a ruah vekin a suahnak khua a um nawn lo. Porh deuh in kan sim asile, a suahnak khua rori ah mikhual vek in a thleng.

Kanni, Laimi a phunphun ruangih hitawk le khitawk a thlengtu pawl tla, Mexico tlangval kum 23 mipa vekin, kan suahnak khua rori ah mikhual vekin kan thlen caan a tampi ding. Ziangasikhalle, kan seemnak khua ah in theitu le kanmah in tuahmi kan neih nawnlo ahcun khaw mi siloin “hngilhmi” dinhmun kan co cu a tul ko.

Hmuh dahlomi le theihdahlo mi pawl cu mikhual tiah kan ko theu. Kan khawpi le kan rualpipawl in kan thuhla in theih nawn lo ahcun an hrangah hmeltheihlo “mikhual” kan si ko. Asinan, mikhual vek in kan seemnak khua kan thleng a si khalle, kan khawpi pawlin in hmuhsuam ding tinak siloin, pehtlaihawknak kan neih nawnlo ruangah tluangmi bangin kan thleng ding tinak sawn a si.

Laimi in nunphung mawite kan nei, Laimi nunphung mawite ti lawng siloin, kan zumnak khalah tuah ding ih kan ruahmi thil pakhat kan nei. Cucu mikhual zoh that ding ti hi a si. Kan seemnak khua ah mikhual vekin kan thleng a va si hman ah kan khawpipawl cun khual-tha tiah in rak cohlang ko ding.

(Visited 98 times, 1 visits today)

Comments

comments

Comments

%d bloggers like this: