Kan Ruat cio Hnik Pei!

Tu kum 2012 October thla kan thleng lala ih Lai kumthar pui pi tla kan tuah la la theiding ruangah a lung awi um na sa hi Kumthar puai hi Kan Falam peng ram hrin te te in kan kawh daan a dang cio. Thopuai, Dongpui, Fanger tvk. Ziang a si khal le Lai mi pawl kum kan siarnak a si ti cu el theih lo asi Lai mi Pawl hrang ah cun hi puai hi kum thok le kum thar thla asi ruangah Lai kum thar pui ti hi a huap kau bik ding a zum um.

Rual le uh Hi Lai kum thar hi leilung pi a cem lai hlan lo le Laimi phun kan um sungcu kan hmang ringring ding ruang ah , a voi ziat nak kan hman thlang ti tal thei sehla a tha zet ding. Ka rel duh san cu Ram dang le mi phun dang cu rel hlah se la kan kaing um Kawl pawl in tla Bamar Tetkarit an nei ih tu tiang in “Kawl kum in cu,cu ziat a si, kha ziat a si an ti theu” kan unau Karen pawl tla cu tho tho. Kannih Laimi hi Laikum in kum siarnak le kum thar kan nei ve tho tho si, “Lai kum siar in AD 2012 kum ziat a si pei” tipawl hi Kanmi fim mi thiam pawl in in thei sak sehla a duhum zet tin ka ruat. A caan caan le “kha vek men Laikum thar kan hmang ding ih a tawk ” tin ka rak hnem awk theu nan Kha ti vek cun ” Hawihnen kan pawl thei ngai ngai lo ding” tin ka vun ruat sal theu.

Ziang a si khal le Laimi nih mifim le thuthei mithiam kan nei vivo thlang ruangah rak hawl tum le rak thei tum seh la a duh um zet ding.
Gideonceu

(Visited 117 times, 1 visits today)

Comments

comments

Comments

%d bloggers like this: