Kan Rothil

June 21 

Zarhpi Ni

 

Siar:

Saam 127

 

Faate cu Bawipa ih laksawng an si; Amah ih malsawmnak an si.

– Saam 127:3

 

Kumkhat Sung Baibal:

–   Esther 3-5

–   Tirhthlah 5:22-42

 

Kan dung naite ah ka rualpa in hiti’n ca a ngan: Thaisun ah kan thi asile kan hnattuannak company in ni rei lo te ah kanmah ai ah midang in in airawl ding. Asinan kan taantami kan innsang cu nunsung riahsiat an run tuar ding. Cuti asile ziangruangah hnattuannak ah tikcu caan tamtuk kan pek ih kan nufa pawl hrangah hmuah caan maltuk lawng kan pek?

 

“Ziangahso zingpit in kan tho ih zaanlam siimzet ah kan it, zonzaizet ih kan ttuan hlawhmi kan ei” (Saam 127:1-2). Leitlun ih hmin neihnak ding hrangah man lozet in kan ttuan ih ziang dang hnakih a thupibikmi kan faale hrangah kan tuah dingmi cu tuah loin kan taan?

 

Solomon in, “Faate cu Bawipa ih laksawng an si, Amah ih malsawm an si. No lai ih neihmi fapa cu raalkap ih kenmi conkiang bangtuk an si. Cubangtuk conkiang tampi a neitu cu mi lungawi an si,” a ti (c.4). Kan thazaang le kan tikcu caan kan hmannak ah kan faate pawl hrangih kan hmanmi hnakin man nei sawnmi leitlun ah zianghman a um lo.

 

Saam ngantu in suun le zaan zonzai ih hnattuan nan ttul lo; ziangahtile Bawipa in a duhdawt mi hnen ahcun an ttulmi cu an ihthat sung hmanah a pek a si, tiah a ti (Saam 127:2). Kan nunnak hrangih kan ttulmi hmuahhmuah cu Pathian in in pek ding a si ti ringin kan fahniang le hrangah tikcu caan pek thei kan si. Nauhak pawl, kanmai’ faate siseh, kan kaihhruaimi pawl khal siseh, kan ro sunglawi an si – kan sir awk dah lo dingmi hnattuan a si.

 

Faate cu kan comi ro sunglawi an si,

Bawipa Pathian ih thluasuah an si;

Kan nunnak ah lennak an keng,

Pakhat ciar sungah mankhung hlawnthil a um.

 

Na faale thawn na hmanmi tikcu caan pawl cu

fimkhurzet ih na hmanfuhmi tikcu caan sunglawi an si.

(Visited 19 times, 1 visits today)

Comments

comments

Comments

%d bloggers like this: