Kan Ramsung Zumtu Pawl Hrang Obama In Tuahthat Duh

U.S. president Barack Obama in kan dung thla kan ram a tlawngnak ah ramsung um mimalte Christian pawlih kum reipi harsat an tuarnak pawl cu atu acozah thar in zohṭhasal dingin a sim. Nov 19 ni Yangon University ih thu a simnak khalah zalen zetih biakzum theinak thu a sim. Obama in American Baptist Churches USA and the U.S. Commission on International Religious Freedom pawl hnenah kan ram ih biaknak zalen theinak dingah ṭanlak ve dingin a dil. Obama cun Christian pawl hrang lawng siloin Muslim pawl hrang khalah a sim ih, Rakhine ram ih buainak khal a khih.

Kan ramsung ah Christian cu Karen le Karenni million 1 hrawng, Chin million 1 hrawng le Kachin 900,000 zat an um. Kan dungnaite “Threats to Our Existence: Persecution of Ethnic Chin Christians in Burma” timi report ah Chin Christian pawlin siatsuah le palbet an tuar thu a sim. Kan dung kumhnih sungah biakinn le biaknaklam thawn a pehparmi inn 24 cu Ministry of Religious Affairs in an khar. Thinglamtah a malbik 13 an siatsuah. Cui sung ah pura thar 15 cu aana hnatuanternak hmangin Chin Christian mipi ih thazang in an sak. Vei 40 hnakih tam hringhronak an tong ih, official takih zungih thuhla thleng cu 24 an um nan thuneitu lam ihsin ngaihsak an co lo.

Kachin Ramthen le Karen Ramthen pawl khalah nasa zetzet in acozah uktu pawl ruangah harsatnak an tong. U.S. cun harsatnak a tuartu mi malte tlunih an ngaihsak zia a langter. Washington, D.C. ih um International Christian Concern khalin leitlunpi huapin hremnak harsatnak a tongtu Christian pawl hrangah bawmnak a nei ṭheu. Cumi pawl hnenah na harsatnak na umhmun ih na tongmi pawl cu  ICC at 800-422-5441 or visit www.persecution.org. ah na sim thei ve.

Comments

comments

2 Comments

  1. A va tthra tak em,,

  2. Tha na sa a takin Kawl pawl in teh an hamng duh leh kei maw? Pathian in kan zalen nak ti eng hram seh law…….

Comments

%d bloggers like this: