Kan Ramsung Buainak Ruangih Tlan Long Let : Mi 130 Thi

Kan ram buainak ruangih beunak hawl Rohingya pawl ih to mi long fate a let ruangah mi 130 cu tipi sungah an thi. Mi 8 pawl cu ngahawl pawl in an runsuak ngah.

Rahine ih phungki bia le muslim pawl buainak ni 11 sung ah mi 89 an thi zo. Hi tiih anbuai ruangah muslim Rhingya pawl cun umnak nei nawn lo in kan ram inn hnen ram Bangladesh khalah mi ziangmaw tizat an tlan. Tui ṭum ih long let hi Malaysia ih a thupte ih lut tum an si.

Hi tiih buainak ruangah beunak hawl ih vakvai mi 7000 lenglo Sittwe long cawlhnak hmun kiangah an um zo tiin NGO hnaṭuan pakhat cun a sim.

Ram inn hnen Bangladesh cun a ramsung ih umzo Rohingya beunak hawl mi 300000 leng bak cu um bet a siang nawnlo. UN ih a nawrnak khal zianghman ah a ruat sak lo.

Hmaisabik an buai thok June  thla ah umnak neilo mi 75000 lenglo an suak. Ni 10 sung an buainak ah mi 30000 lenglo in an umnak khawte suahsan in an vakvai ti a si.

UN pawl in kan ram pi sungih Rohingya miphun um zat cu mi 800000 tluk hrawng a si ding tiin an zum ih hi pawl in ram mi sinnak khal neilo in le thleidan in a um a si ti khal ih rak soisel tu an tam zet. Rampi thlengawknak a tuah rero lai fangih hivek ih thil thleng ruangah Suu Kyi ih a hmalak dan ding cu mipi ih zoh hlawh bikmi le thlir bikmi a siih hi thu ruangah soisel khal a tuar zo.

(Visited 181 times, 1 visits today)

Comments

comments

Comments

%d bloggers like this: