Kan Ram In Thawngtla 452 Suah Ding

Kan ram thuneitu pawlin thawngtla 452 cu suah zalen a tum thu tuni Tlawngkai Nilini, 15.11.12, ah an than. Cucu US President Barack Obama a thleng tik zawngih ram remṭhat a si zia hmuhnak dingah a si. Cumi suah zalen dingmi lakah ramkheltu pawl khal an tel ding tiin zum asinan ziangzat an tel ding ti cu theitheih a si lo. Atu ih suah zalen dingmi pawl cu ramdangmi pawl khal malte a tel ding tiin acozah media pawl cun an puang.

Obama cun kan ram mipi pawl hnenah thucah thusimnak a nei ding. Khuitawkbik ah thu a sim ding ti cu theih a si hrih lo. Cun Rohingja thuhla thawn pehpar in ruahrelnak a nei ding. Cumi ih thil poimawh zet pakhat cu, United Nations human rights chief Navi Pillay in kan dungkar ah khan Rakhain ram ih buainak hi Kawlram in Rohingja ram nei lo pawl hi rammi sinak a pek ahcun a reh ding tiin a sim ih, rammi sinak pek ding khalin a duhsak.

Atu ah Obama le Clinton in ziangvek in an forh dingih Washington acozah ih fehpimi policy pawl ziangvek a si ti pawl cu theihcak a um zetmi a si. Cun Obama cu Yangon University ah a feh dingih thusimnak a nei ding. Curuangah campus nithum sung campus an thianfai ih tlawngta pawl cun an hngakhlap ngaingai. Obama cun a thupibik a tuah dingmi cu kan ram democracy hrangih U.S. ih saduhthah pawl cu president Thein Sein le Suu Kyi pawl hnenah simrel le forhfialnak a nei ding hi a si.

Comments

comments

Comments

%d bloggers like this: