Kan Ram In Nuclear Thilthuam Nei Le Neilo Zohfel Ding

Kan ram acozah cun nuclear tuahtheinak thilthuam a nei le neilo International Atomic Energy Agency (IAEA) pawl in an zohfel ding.

Hi tiih a phuanlang awknak cu leitlun ramtin pawl thawi an pehparnak pawlah rinhlelnak zianghman um lo dingih a duh ruangah le North Korea thawi hi ralthuam thilthu ah pehpar awih an zum mi pawl thu ah a thiangfai a si ti a langter duh ruangah a si.

IAEA pawl in thuhla thannak can tawite sunglawng pein an duhduhnak hmun pawl an ra zohfel ding ih cumi thluh ihsin kan ram in nuclear thilthuam tuahtheinak thawn pehparnak a nei le neilo cu a phuang lang ding.

Kan dungkum hnih lai liam zo ah IAEA ih thuhla petu le thlingthlatu Robert Kelley cun kan ram in nuclear tuahcang suak theinak an nei tiin a rak ti dah. Hi tiih a rak tifiangnak khal acozah pawl ih ca thuthup pawl pholang ih a um ruangah a si.

Sai Thein Win hin an thithuam le an neihmi pawl hmuahhmuah cu a zuk ih 2010 ah pholangnak a rak nei dah. Himi thu pehpar in IAEA pawl in zingzoinak neih dingin an tinan kan ram piin an rak pomlo dah zo.

Comments

comments

Comments

%d bloggers like this: