Kan Ram In Credit Card Siannak Pe Zo

Kan ram acozah cun ramdang pawl ih credit card pawl cu hman ngaingai theih thlang dingin a pompi thu tuini ih rampi thuthangca New Light ah an tarlang.

Visa, MasterCard, China UnionPay le Japan Credit Bureau pawl cu rampi sumpai kilkhawinak ih ṭuanvo nei ministry pawl in siannak an pe zo. Ziang tik ihsin hman thok a si ding ti cu an tarlang hrih lo.

The Post and Telecommunication department pawl leh Myanmar Information Technology Co. pawl in a hmannak ding hmun, bank pawl le ATM hman theihnak ding hmun, riahbuuk le rawldawr ih hmantheinak ding pawl khal cun an tawlrel sak ding.

Kum reipi US ih khamnak a rak tuahsak ṭheumi hi sumpai card ih hmantheinak pawl cu tu ahcun rampi huapin kau sawn in siannak pek a siih sumtuahpawl le rampi tlawng ih vaktu pawl khalin sumfai keng lo in card thawn hman theih in a um ve thlang ding.

(Visited 55 times, 1 visits today)

Comments

comments

Comments

%d bloggers like this: