Kan Ram Ah Science Zirnak Ṭhalo: Pi Suu Kyi

Aung San Suu Kyi in kan ram ah kan dung kum mallai ihsin science zirnak a tlaniam in a ṭhalo vivo tiin a sim. Cucu science zirnak lawng khal siloin zirnak hmuahhmuah a si tiin Indian Institute of Science ih faculty le tlawngta pawl a tongnak ah a sim. Science zirnak in hmun a la lomi hi Suu Kyi in poi a ti ngaingai thu a sim.

Kan ram democracy hrangah New Delhi ih policy hi ziangtin na hmu ti an sut tikah India New Delhi acozah ih policy cu anmah hrangih hlawknak lawng zoh policy, nga siotu in nga um naknak ih sio mai policy, a si ko ti’n a let.

Suu Kyi cun amah le mah, kei cu practical takak, ṭuan taktak, tu ka si tiin a sim-aw ih, India cun amai hrang hlawknak ding cu ramdang (kan ram) hlawknak ding hnakin thupi ah a ruat sawn tiin a simbet.

 Suu Kyi cun thazang thawn thahrum hmangnak cu a do ih daihnak thawn raldo ding hi a zum thu a sim. Cun Suu Kyi cu Infosys campus ah lengin IT major ih co-chairman Kris Gopalakrisnan le senior ṭuanvo nei upa pawl thawn tonawk in kan ram ih IT   ṭhansonak hrangah relkhawmnak caan an hmang.

Comments

comments

Comments

%d bloggers like this: