Kan Ram 2015 Ih Hriawknak Ṭhasin Dingin Tuahtum

Myanmar’s Union Election Commission pawl cun 2015 kan ram hrilawknak cu a hlan ih an rak tuahmi hnakih ṭhasawn dingih tuah ding thutiamkamnak an nei.

Kan ram hrilawknak ih kaihruaitu Tin Aye cun ramkheltu pawlkom pawl thawi an thureltlang nakah dik le felfai zet ih rampi hrilawknak a um theinak ding hrang an tuah rero thu a sim. Yangon Region office ah Sept 27 ni ah thurel khawmnak an neiih cumi ahcun, hrilawk dan tuahremnak, Rakhine ih thilthleng, hnaṭuantu pawl ih covo pawl relnak an nei.

Democratic Party chairman Thu Wai khalcun leitlun rampi huap ih hrilawk dan an tuahmi pawl thawi kaihaw ih kan ram hrilawknak tuah ding cu thil thupi zet a si tiin a rak lungkim pi ve.

“Kan dung hrilawknak ah thil felfailomi pawl a um ticu a mah (Tin Aye) khalin a phat lo’ tiin Thu Wai khal cun a sim. A sim bet vivo nakah ramkheltu pawl le ram mipi pawl hmuahhmuah kan zaten kut sihkhawm in le mipi zalennak lampi cangsuak dingin kan ṭuan khawm a tul a si ti khalcun a sim tel.

“Mipizalennak (Democracy) hi theithiam lonak in tampi a karhzai; cumicun phun dangdang a  suah ter. Thureltlangnak le remawknak thuthlung pawl hmangin kan ti cemral vivo ter thei a si’ ti khal cun a sim bet.

Kan ram rorel innpiih tokham lawng 45 pawl totu dingah April 1, 2012 ah Lailak hrilawknak a neiih Aung San Suu Kyi le a kaihhruai pawl cun tohkham 43 rori ngahin nehnak an co.

eleven

 

(Visited 37 times, 1 visits today)

Comments

comments

One Comment

  1. Chin State ah cun Chin mi party nih luubik si tul…hehehe…ka zum ko…

Comments

%d bloggers like this: