Kan Leilungpi Hring Deuh Deuh Saal

leilungpi
Lal Ruat Thang
(March 31, 2015)- Hi lungawizaa thuthang hi Scientist pawlin Satellite ih kum 20 sung a khawlkhawmmi a data ta an zohhliah hnuih theihmi asi.

Hi tiih kan leilungpi hrin vivonak hin kum 2003 ihsin tonne billion 4 ( tonne 1 hi kilogram 1000 thawn a bangaw) lenglo carbon pawl cu thingkung le hrampipawl a ron suum.

China ramin thingkung phun nasatakih a rak zuamnak le tuhlan kum 1922 ihsi 1991 karlakih Asia le Europe ram lakih ram neikausawn pawlin thinkung humhalh hna ih nasatakih an rak ttankhawmnak, cun ruahti tthate’i kan ngah theinak ruangih hi ti kan leilungpi a hrin tthatsal theithu le a hleice in China ram parih an lungawi thu scientist pawlin an sim.

Tulaifang ih Indonesia le Brazil ramih ramngaw le thinkungpawl nasatakih ti siatsuah asi ruah in hiti carbon a karhcak theisal hi mak anti thu scientist pawlin an sim.

Carbon hi kan ttulzetmi nikhua(climate) thlengtertu gas asiih tifinriatpawl, thli le leipar hmangin khual a tlawng ttheu. Tlolak(boruak) lakah carbon dioxide(C02) tiin a umih thingkungah carbon tiin a um thung.

Thingkungpawl hin hi thlilakih a ummi carbon dioxide cu an hiipih an rawlah an hmang ttheu, cutiin carbon ah an canih an sungah an khum.

‘Kum 2003 sehvel thotho ihsi minungpawlih boruak lakih thlisia kan suahmi hi tonne billion 60 lenglo asiih tuih boruak lakih kan neihmi carbon dioxide hi tonne billion 4 ttha lawng asi. Curuangah tu’i kan neihsun hi carbon dioxide kan kilhim duh asile lungmeihol, petroleum, hmansal a theihlomi ceet thilripawl le a hleice in cement tuahnakih kan tisuahmi meikhusia pawlah nasatakih kan ralrin a ttul’ tiah Australia, Sydney khawpiih New South Wales University ih zirnak hrauitu ‘ Si Liu’ in a sim.

(Visited 275 times, 1 visits today)

Comments

comments

Comments

%d bloggers like this: