Kan Leilung Boruak Kum 10 Sung Ih A Siat Zia

imagesKan leilung boruak hi nitin a siat deuhdeuh tiih nangmah te na rak ruah rero ṭheu mi hi a dik rori mi cu a si. Asinan ziangvek cekci ih sia ha a si ti lawngte na theihlo. World Meteorological Organization (WMO) pawl cun leitlun boruak kum 10 sung khaikhawm in ziangtluk a sia ti zohfiangnak an nei. A thu kharnak ahcun “relban thiamlo khawp ih sia a si’ tiin an ti. A hnuai lam vek in an hminsin mi pawl an tarlang.

  • Boruak sia, thlisia, ram caarnak ruangah 2001 ihsi 2010 karlak ah mi 370,000 an thi zo.
  • 2003 Europe ram ih nisat ruangih thlisa ruangah mi 66,000 zat an thi.
  • 2010 Russian ih thlisa ruangah mi 55,000 an thi.
  • Kum 1990 hnak in Zatek 20% tluk in mithi an tam sawn. Leilungtlun mipi ṭhan/karh lam khal a cawl cuanglo ih kum 1990 ih 5.3 billion cu 2010 ah 6.9 billion rori in a pung.
  • Kum 100 lengkai 1850 hmailam ihsin hminsin 10 lak ih 9 pawl khal hi kum 10 sungah an um thluh. 2008 lawngte kum him a siih cumi lo hmuah in hminsin an nei. 2010 tlacun santhuanthu ih a satbik can a si hngehnge.
  • Kum 10 sungah 0.4 Degrees Fahrenheit (0.21 degree Celsius) tluk in a satlam a ṭhang.
  • Kum 1990 ahcun kan boruak hi 0.3 Degrees Fahrenheit (0.14 C) lawngin a rak ṭhang.
    2001 ihsi 2010 karlak ah ramtin in a satlam zatek 44% hnak ih tam an tuar thluh tiin an hmin sin cio.
  • Leitlun ramtin in zatek 11% in an ram ih khawdaihbik caan a si tiin an hminsin.
  • Tipithuanthum ti hi 3 Millimeters in kumtin a kai ih kumzabi 20 hlan ih a rat kaizat 1.6 ih let hnih lai a si.
  • 2010 kum, Pakistan ih tilian ruangah mipi million 20 a siatsuah ih mithi 2000 lenglo an um. Tilian hi hi kum 10 hra sungih siatsuah biktu a si.
  • Vei 500 lenglo Tropical cyclone a hrang.
  • Tropical-storm- pehpar ruangah 2001-2010 karlak ah mi 170000 in an nun an can.
    Thlisia ruangah $380 billion tluk thil a siatsuah.
  • Leitlun ih cetthli thawi tuahtho asi pek kum 1750 hnak in carbon dioxide hi zatek 39 hnak ih tam kan van boruak ah a um.
  • Kum 1901 ihsin siar in a letkhat in a daisawn.
(Visited 453 times, 1 visits today)

Comments

comments

Comments

%d bloggers like this: