Kan Lakih Mifarah pawl

July 13

Tlawngkai Nihnih 

Kan Lakih Mifarah pawl 

Siar:

Daanpeksaalnak 15:7-11

Nan hrinpi Israel mi a farah ih bom a ttul ahcun lungruh tirhfaak tahrat in bawm duh loin um hlah uh.     – Daan. 15:7 

Kumkhat Sung Baibal:

–   Saam 7-9

–    Tirhthlah 18 

Francis Chan in “Crazy Love” timi a cabu sungah innsungsang pakhat ih thu Khristmas thurosiah thawn a ngan. Khristmas Ni zing ah Robinson innsang cun Khristmas thingkung tangih laksawng pawl on an tum lo. Cu ai ah hmuk le  lakphak thawn inn le lo nei lo mifarah pawl an do. Himi hi thil fate asinan Pathian ih duhdawtnak le siannak langternak a si.        

Pathian in a minung pawl hnenin hitivek tirhsiannak thinlung nei ding in duhsak. Daanpeksaalnak 15 sungah Moses in mifarah pawl parah mi neinung deuh pawl in ziang an tuah ding timi a langter. Ttihnungza thil pali thawn raalrinnak a pek. 

Lunghaknak:            Farah pawl ih ttulnak thei lo bangih um (c.7).

Kut pharh lo:            Farah pawl ih neih lomi pe loih hum ttengtteng (c. 7).

Thilsual ruahnak:    Leiba olh kumcem a nai thlang ruangah farah pawl   tangka coih duh lo (c. 9).

Phunzainak:          Kan lakih um mifarah pawl ih ttulsamnak pawl theihsak

                                    lonak (c.10). Mah hrang lawng ruattu pawl si loin midang

                                    hrangah siannak thinlung neih ding a thupi (cc. 8, 10, 11).        

Pathian minung pawl cun mifarah pawl parah siannak thinlung nei ringring ding kan si. Kan thinlung saangka ong in kan kutza pharh uhsi!     – Marvin Williams 

Pathian fahniang pawl ih hmuifu pakhat ciar langter cu,

Tirhsiannak thinlung in a si;

Hmanseh kan len tiang kan hngak asile,

Pek hram kan thok thei dah lo men thei.   – D. De Haan 

Siannak cu Pathian hmuifu cotu thinlung ihsin a suak.

 

(Visited 29 times, 1 visits today)

Comments

comments

Comments

%d bloggers like this: