Kan Khaw Suah Leh Hauhnar

KAN KHAW SUAH LEH HAUHNAR

By- J pek

Kan pupa thuanthu pawl cu mifim mithiam leh zirsang pawl calai hmangin tthangthar nonawn tla cun kan thei ve rero thlang hi lungawi um za a si. Kan pupa pawl hin an thiamthil tuhmui leh namsau kai ih tui dinhmun in rak thlenter thei hi mangbang za a si. Kan pupa pawl cu lo lam hnatuan ih pum cawm aw an siih thil pakhat khat ruagih an thlai rawl an fing khawi thei lo a si len an neih ding zatin an nei thei ttheu lo, an rak pam ttheu a si. Thlairawl thar dingcu ttha zet hmanseh thlairawn ih mamawh vekih an ttuan thei lo ruangah kum khat an pamnak cun kum tam zet a hngawng phah ttheu a si. An lo rawl cu hnawm lakah an tthan thei tawk tiang tthangin rahsuah tla an um phah ve ko. A ttha pawl cu bawm thawn zul`in an rak cil ttheu a si. Zangzel ruangah leh  thildang buaipi sawntu pawl ih lo cu thuanthu simnakah an rak hmang ttheu. Cu tei lovek bangin an rak ti a si.

Kan pupa pawl cu tlang parah khua toh ih um sihman hai sehla khua luh zawngah mihrang sahrang lu tlun tikih tlangthannak ah tiin lung an rak dawl rawn theu. Lungdawlnak kiang hmun leh ram cu thlithiang ngah dingah an rak sial fai theu a si. Khua lalpa cun a khua leh ram kil him leh hmin tthat ter cu a hna ttuan a si vekin taimak suah in zan it lo tla in khua a rak kil ttheu. A mahte ttuan thei lo dingmi pawl a um pang a silen thurawn petu pawl ko in khua an rak ruat khawm ttheu a si. Lungawinak leh riahsiatnak an ton tikah valrual pawl cu tual rawn ah tongaw khawm in an rak ttuan tlang theu a si.

Laimi tthangthar  nonawn pawl hin kan pupa pawl ih sul an rak sah cia mi hi feh a harsatnak ah lamzin dang hawlin thuam tthat ttulnak ah thuam ttha in an ke neh thlun thei dingah ttuanvo kan lak sinsin a ttul. Kan miphun neitu umlo lo vekih a cang ding hi ttha ten kan ruah sal a cu tuk thlang e. Kan khuasuah leh hauhnar ah thing leh mau pawl an hung kho rero hi an pitlin hlan ah kan sial fai man lo a silen kan buai neta pang a phan um tuk. Laimi in sersiamtu Pathian kan zum hnu cun  mipi enkawltu dingah tukhal ttattha Pathian in in pek sinsin. Mipi pawl cun kan tukhal pawl ih thu cu rampi uktu thu ai khalin kan ngai sawnnak a um ttheu. Curuangah kan miphun biaknak lamih ttuanvo neitu kan zate hin ziangtin mipi hnenah thu kan sim ding. Kan Bible ih hruitu hmaisa a liamzo mi pawl cun an miphun tthansohnak dingah leh an thuthang ruangah ei lo it lo in caan tampi an hmang ttheu a si. An miphun pakhat hmintthat leh hminsiatnak ah an tel ti an thei fiang. Miphun ruangah rawl ul in Pathian hnenah thla an cam a si.

Laimi cu Khrih zumtu tiin kan sim aw theu. Kan umnak Kohhran cio ah in elkawltu dingah ttong bang aw duh zawng bang aw tukhal kan nei cio ih kan tukhal pawl ih in sim vekin kan toi kan vak ttheu a si. Kohhran pakhat leh pakhat peh tlaihawknak khalah tukhal tu mithmai kilin kan tuah theu. Curuangah tukhal pawl cu rampi uktu aihman ih kan ngaisannak tampi a um ruangah kan miphun tukhal pawl hin kan miphun tthansohnak cu kan kutah a um ti fiangte in kan theih a ttha. Kantu an tthangso a silen kan mah khal hmai kan sawn tinak a si. Tu um loin tukhal a um theih loh a si. Cuti a siruangah kan nu leh pa pi leh pu suahnak lailungrawn uai in a ziam cem ding hi ruat`n a na tuk timen loin kan miphun din sal dingah kan lungput kan thlengh lawng lawng ah kan tthang so ve ding. Kohhran hruaitu leh mipi kan ttuan tlang thei lo a si ahcun kan miphun tthangso ding cu a harzet ding. Kan miphun tthangso dingah kohhran ih hruaitu, hotu kan zate hin ttuanvo kan nei a si. Kan khaw suah leh hauhnar khi zo hniik uh ziang so kan sam mi um lai e!

Comments

comments

One Comment

  1. Na ca hi a tha ka ti tuk, Israel pawl nun tla kha zoh ding kan si ti aw,
    Abraham, Isak, Jacob, Mawsi, Joshua, tvk… Pathian le an Miphun hrangah si an tuan, an Mipi khal an hum, an kil, ram an la a si kha

    Thil tul, tha lutuk a si hi mi ca hi

Comments

%d bloggers like this: