Kan Hrang Tthabik

July 7
Zarhte Ni

Kan Hrangih Tthabik

Bible Siar Ding: Daan. 6:10-19

Khawzing pathian dang nan biak lo pei; ziangahtile Bawipa ih hmin cu ‘Thik hmang” a si; Keimah cu thik nei Pathian ka si.
– Suahlannak 34:14

Talk Show tuahnak pakhat cu tubaite ah tuah a si ih an hotu nu in a television zoh le ngaitu mipi pawl hnenah “Thik hmang Pathian ka si,” tiih a phuanglang awtu Pathian parih a thinlung ih zumnak a neih lo thu a sim. Television thlalang hmai parah Pathian cu thik sia Pathian a si thu langtermi cu thil lamdang cuang cu a si ve.

“Thik sia (jealousy)” timi hi huham a neizetmi thinlung phurnak (emotion) phunkhat a si. Cumi cun pakhat le pakhat karlak ih pehtlaih awknak a hnaihnokter thei ih nunnak tiang a siatsuah thei. Curuangah ziangruangah si pei, kumkhua a nungmi, a cungnungbik le ziangkimtithei Pathian Amah rori in, “Thik hmang Pathian ka si” ti rori in a phuanglang aw si pei?

Pathian in thik hmang Pathian ka si a ti tikah kanmah ih asilole kan neihmi in thik a tiduhnak a si lo. Cun kan nunnak sungih a dinhmun a sunral ding a phaannak sim duhmi khal a si fawn lo. A sim duhmi cu kan hrangah a si. Kannih cu A hrangah mankhungzet kan si ruangah Amah cu kan nunnak ih a pakhatnak hmun ih a um lawngah a sangbik le a tthabik a si thei ding ruangah a si. Amah hnakin thil dang pakhatkhat duhsawnmi kan neih asile kanmah le kanmah siatsuah aw in Amah thawn kan pehzom awknak a siatsuah ding ti a theih ruangah a si.

Bible ih simmi Pathian cu kanmai’ hrangah a thiksia. Amah lawng bia ding kan si.

El Qanna, kan hrangah a saangbik le a tthabik si duh ih thik hmang na sinak parah lungawithu kan lo sim a si.

Pathian thiksiater dingin minung le thilri duhsawnmi ka nei pang maw?

@ Ava Pennington

(Visited 22 times, 1 visits today)

Comments

comments

Comments

%d bloggers like this: