Kan Hrang Ruat Hram (Biazai)

 

Kan hrang ruat hram:

 

By: Hniangsinpa

 

Khuanu malza sawmnak in

Kan nei, ka co ram dawh hlei;

A nuam kan ti lungrual te’n

Kan lengza e, zo dang kan ngai lo. 

Fimthiamnak ruun inn sang bel in,

Kan lengza maw, leng nu le val rual tla

Kan zir, fimthiamnak za tin khum tum in;

Kan suak, fimthiamnak keng in. 

Hmanseh maw, kan fim kan thiamnak

Hmang thei lawn maw in tuah, kan par siang in;

Santlai lo ah maw in suah, unau lakah

Hmang thei lawn in tuah, kan sum za saw kuan 

Tlang dang kan bel, mai ram hniang taan in,

Zir thiamnak nei lawn in suah, kawl le vaiin,

Mi aa ah maw in can, kan nitin nun hman;

Ningzak za in kan can kan hmang 

Kan theitawk in mi kut hnuai ah;

Tuan hmang ning la, ziang in siar lo;

A naa ka ti, kan cung lai reltu

In theihpi maw tiah kan lo sut hlam. 

Ka ram hniang te, a that ahcun,

Tiah duhthu phai bang kan sam;

Um zia um lo, that ni nei cuang ta hlah maw;

Ziangtin ha maw, khua nu lair el 

Kan theithiam lo, kan cung laireltu bawi,

Kan tah au aw in theihpi in,

In tuam dam sal, in hruai in,

Kan hrang ruat hram, nang kan siang bawi.

 

 

Comments

comments

One Comment

  1. Hnangsinpa,

    A tha athlum na Biazai iang
    Voi li voi nga nolh in siar ing
    Luaithi for ee na Biazai man
    Ni khat khat ah cu ti lawng maw kan ruah san ding
    Cungzingmangbawi in run thei hram
    Na te fa pawl kan rak nak aw.

%d bloggers like this: