Kan Farahnaksanpawl

Thansoh Bawmtu- Part – 8

KAN FARAH NAK SAN PAWL

Milai zo cio khalin ziangruangah kan farah tiih kan suh awk tikah atlangpi thu in kan zet tuk ruangah asi kan ti, adikmi asi ko. Asinan, ramthumnak ahcun farahnak thlentu hi rampi sumdawnnak le ramkhel hruaiawkdan ah a thum aw an ti, rampi ih mawhphurh asi. Cun, hitin an sim bet” milai kan karhzai cak tuk ruangah” ti asi.

Kum 20 sungah ram thangsopawl ahcun milai hi alet 2 in an pung asi. Hitiih alet hnih rori ih milai an karhzainaksan cu birth control aum lo ruangah, milai kan harhdam ruangah mithi amal ti asi.

Ramthumnak ih siatralnak thlentubik le farahnak thlentubik pakhat cu nulepapawlin fate neih theihzat neih ding tinak ruangah asi. Fanaupawl an thanlian tikah hna an tuan dingih in cawm sal ding timi beisei asi. Cutikah sumdawnnak lamzin athat lo hnu cun fanaupawl hnatuan nei lo ah an cangih nulepapawlin ramthumnak sung khawmual ah hna neilopawl harsa tukin in cawm reronak asi.

1980 hnu cun ramthumnakpawlin farahnak le milai karhzainakpawl athlen ringring ruangah rinhlelnak an nei ih himi hi ruahsannak kan neih lo thu asi,tin an hmusuak. Ramthumnak khawpi sungah farahpawl  zatek  a karhzai vivo ruangah pursumleilawnnak parah cui harsatnak cu an thum aw thluh, pursumleilawnnak in an harsatnak aphurh thluh. Curuangah China pawl cun a ram mi cu fa pakhat thlun neihsian asilo tiah dan arak tuah.

Leiba, sumfathang, mipum karhzainak, hna neilo tam  vivonak, harsatnak phunkim athlen ruangah 1980 hnu lam ramthumnak ahcun sumdawnnak puan sung ihsin kan suah hlo lonak ding ruahsan in nasatakin hnatuan an rak thok. Sumhramthlaknak ding hrangah sumpai an rak tlin hrih lo ruangah pehtlaihawknak lamzinpawl ciarbek in a khah thluh. Curuangah ramthumnak san ahcun rampi in harsatnak aton lo nak ding ruat in leiba thawn hnatuan athok. Cuvekih leiba kan neih tam vivonak ruangah ram thangso le ram tlasia karlak hla tukih an tanawknak asi.

Ramthumnak kan timi USA, Africa le Asia pawl sumdawnnak ih an rak colh vanglai ah pacific kiangkap sumdawnnak ih an rak thangso laifang 1960 kum ah Japan  sumdawnnak thawn cuanglaiah level tlukin an rak tlanpi ve.  Farahnak ihsin suak hlo dingah nasatukin hnatuantu ramthumnakpawl lakih lut ve rerotu rampawl kan zoh tikah leitlun sumdawnnak lamah nasatukih an zuamnak kan hmu.

Korea, Taiwan pawl bangin ramsung thilri ramleng ih kan suah theiih ramlengih thilri kan zuar thei lawngah rampi in sumpai ahnianghnar ding asi. Curuangah Chinram amahten federal in si maw, a ding leh dingih chinram athansoh theinak dingah tuih ramlengih umpawl kan thupibik miangmo.

Comments

comments

Comments

%d bloggers like this: