Kan Chin Mino “Social Media” Saltaang Kan Si Ve!

1406499501851

Uk Lian

Kan phunsang tlawng ca in zirhtu cun “Facebook account neilo pawl ban phar hnik uh” in tiih kan zaten kan rak nei theh a rak si. Santiluan kan thlun lo ahcun mi banglo le sanmanlo men kan si ding fawn, kan ‘Social media’ ih in fehpi daan khal a harsa phahphah ko.

Indian ram ih Mobile-Phone alar kum 3 nak ah, minung 5 lakah minung 3 in Mobile-Phone an neih cih thu Times of India in a rak ngan dah. Tu khalah India ram cu leiltun ih social media hmangbik sinak a ngah thei ringring lai. Facebook a lar ciamco lala ih leitlun mino tamsawn in Facebook account an nei theh lala. Facebook hmangtu hi leitlun mipum zawngin ruat sehla China mipum zat sangtu kan rak si zo lala.  

Mino tamsawn online ih an komawk sawn ruangah a leng ah lungleng siarcawk lo an um. Kum upa 55 hnakin mino kum 18-34 karlak lungleng an tam sawn. Europe khawmual ahcun Britain mino pawl khi online hman tuk ruangih lunglen tambik pawl cu an si ve.

The Telegraph 

Santiluan ih a fehpimi ziangkim hi zohman ih kham theih a si dah lo ding, cucu santhuanthu ih a fehpi daan tla a rak si hrimhrim. Curuangah bulpak te ih rak hman thiam a thupibik sawn.

Tuikum June thla thok ihsin Australia ram cu leitlun ih sivai hmangsual tambik ram an si ve. Asinan an mino tamsawn zikte cun rittheihthil hmang lo ding ah thuthluknak an tuah thotho tiah an ngan bet. Australia ah Chin mi a thawngtel an um ih ziangtin hi leiltun ih a fehpimi thansohnak le siattheinak lakah can an hmang ve ding timi cu an bulpak nun cio ah a thum aw thotho ding.

USA, Canada le ram dangdang pawlih tleirawl suakthuan kum 8-17 pawl cun online ih an zohmi le an tuahmi zianghman an nulepa pawl hnenah an sim duh lo tiin Stuff.co.nz cun a ngan.  Nulepa hnen ih sim hnakin an tuahmi “history” le “site” pawl an “block” lole an “clear” theu. Ram tin ih mino 1000 lenglo thusuhnak an neih tikah mino siarcawklo cun online ah an hmuihmel thleng tahratin profile dang an hmang hrim tiin an sim lala.

article-0-14A66CE4000005DC-138_634x376

Kan Chin mino pawl tla IT san ah kan um ve tikah, ram cangkang le mifim ram kan timi pawlih an buainak ah an dungthlun in kan buai thok ve thlang. Tui dinhmun ah kan Chinmi Facebook ih ID lem (Fake ID) hmang siarcawk lo hmuh ding a um zo. Hmin lem hmang men lawng siloin midang zuk, mai zuk vekih hmang tamzet hmuh ding a um hnuaihni zo.  

Mirang nauhak le fala tlangval pawl cu an nulepa hnakin online thilri an theih sawn ruangah an nulepa an bum zawk rero. A tawizawng cun an nulepa hnakin ziangkim ah an fim sawn ih an zir cak sawn tinak a si. Kan Chin mi khal hivek ciah kan si ko, nulepa kuthnuai ih um rori hman cuvekih an um ahcun kannih nulepa kut hnuai ih um lo, India, Malaysia, Singapore le hmun dangdang ih um mino online site dangdang hmang thiam pawl cu ziangtin caan kan hmang ti sim ding a tam duh nasa.

Santiluan ih a fehpimi ziangkim hi zohman ih kham theih a si dah lo ding, cucu santhuanthu ih a fehpi daan tla a rak si hrimhrim. Curuangah bulpak te ih rak hman thiam a thupibik sawn.

Nitin leiltun mino tamsawn ih an zoh mi Facebook le YouTube hnuhma zoh tikah kan Laimi pawlih cangvaihnak a phunphun hawl le hmuh theih dingah a um zo. Asinan kan mipi mualpho ko in tuahtu khalah an cang thei thotho ti cu theihcing theihcing in kan hmangsual phahphah cu a si. Kan Laimi lakah zu in thiam kan mal te vekin social media hmang thiam khal kan malte dingah ka zum.

Facebook ih ngami ca tampi kan mah ih suak lo mi midang ruahnak mai ruahnak vekih ngan, zuk mawi ding ih edit rero pawl tla phuahcawp ti kan thei ko nan cuvek kan tuah ve lo le sanmanlo kan si lala ding tiphang in zuamawknak sualah kan lut rero cu a si. Curuangah kan Laimi mino pawl tla santhar thiamnak lakah a phunphun in kan rak leng ve tinak a si.

Thunetnak ah Chin mino pawl tla Social Media hmang tangkai thiam hnakin, zuamawknak dik lo le phuahcawp uartu kan si tum ruangah ka dem aw zet. Social Media sung hnakin a lenglam sawn ah pumkhat si uar thiam sawn ding a si. Sal tang bangin, nitin online lo ih um thiam lo hnakin, hnatuan mi le zirmi fumfe zetih kaih thiam, can lawng neihsun ah social media hmang ding fang kan si.

Young-and-Well-CRC_YP_IMG_8986_cropped

Comments

comments

Comments

%d bloggers like this: