Kalaymyo Nitlak Saklam Ah Tikhur Ti Kang Rero Zo

12311308_915824065169796_999675495149736944_nSalai CLian

July karhnihnak ihsin thli le ruah ih a nuai rero mi Chin ramkulh le Kalaymyo kiangkap cu ruah ti a kang hnu hmanah mangbang ding kop in ti a hawi rinring. Cutin tu ah ti hnawi a rh hnu November thla lai lam ihsin Zonuamzang khua le Kimlai khua lam ti a kang rero thu CNRG pawl hnen ihsin theih a si.

Kimlai khua cu ti pep hmang in ti an rak hmang nan tilian in a fen sak theh ih cuihnuah khaw sung in ding ti cu tikhur laih a si. Cui an ti khur pawl khal tu ahcun an kang cuah co. Cuihleiah Zonuamzang khawsung ih tipawl khal a kang theh.

Hi thuthawn pehpar aw in CNRWG sungtel Salai Jesse cun “Tu hi December thla tir fang a si. Tikhur kannak hi zarh thum hrawng a si zo. Tlangtluan kiangkap khuapawl deuh in an tuar hmaisa. Khawdang pawl khal kan dinhmun lungphan-um rori a si.” tiah a sim.

“Ka zumdan ah tilian laiih leimin pawl kha, an min zikah tlang zim ihsin tidai an irh hmaisat tikah, leihnuai tidai luan kong pawl hi hngongtu pakhat khat cu a um a si ko ding. Zonuamzang khua cu Letpanchaung khua ihsin peng 3 dan lawng a siih, kan tuar peh vivo hai lo ding ti a rel theih lo.” tiah a sim.bet.

Tuitum ih tilian cun tlang tampi a min ter ih hlei ah thingkung tampi a fen bet tik ah ti kan har phah ding a phan um zet tin tual sung mi cun an sim.

Zonuam zang khua hi Chin ramkulh le Sagai ramthen riawknak ah a um ih a kiangkap khua pawl cu kan mah Chinmi hlir umnak hmun pawl an si. CNRWG cun Zonuamzang le kimlai khua ti an ngahnak ding a buaipi rero lai.

(Visited 254 times, 1 visits today)

Comments

comments

Comments

%d bloggers like this: