Kalaymyo ah Ni Khat Sungah Fangfai Dip 1 Man Thawng 15 In Kai

11242202_852558851465419_8279707964954596609_nKalaymyo ah August ni khat sungah fangfai dip khat man thawng 15 a kai tiah thuthang kan ngah.

Hi hlam ah fangfai dip 1 thawng kulhluan nga in an lei theumi cu August ni 1 zaan lam ah thawng sawm li an ngen thu, cumi hman ah dawr ah lei ding a um nawn lo tiah thuthang kan ngah.

!Fangfai man lawng a si lo. A lu cuai khat thawng khat ih kan lei theumi kha tui ni ah thawng hnih an ngen. Bawkbawn cuai khat thawng li an ti. Bazar khal ah thil zuar an um nawn lo! Tiah Kalaymyo tualsung um pawl hnen in thuthang kan ngah.Tui sun hi ruahpi vei khat hman a sur lo.
Tihang va khal tidai a tlak zet zo. Sinan Kalay khawsung cu mal tete ti a thang tiah an sim bet.Kalay khawsung tlawnginn hmuahmuah July ni 31 in an khar theh zo. Kalay University khal tui sun tlawng kai ding in kan hung so ih an rak khar theh. Tilian ih harsa pawl an ret theh, tiah Kalay University ah distance ih tlawngkai mi pakhat in a sim.
Yaza cu dam khal ti hleifuan hlonnak kaa 12 lakah hnawm ih a phitmi kaa 6 an thlen fai rero tiah Kalay ih um pawl in an facebook wall ah an ngan.Zuk: Kalay, Yaza cu dam ti hleifuan hlonnak kaa ih hnawm an hlon rero lai le Kalay ti lik lai tlunvan ih zuk pawl facebook dangdang ta lak mi.
(Visited 265 times, 1 visits today)

Comments

comments

Comments

%d bloggers like this: