Kalay Technological University Camibuai Answer Papers Hlo; Tlawngta Pawl Lungkimlonak Langter!

open

Friday, September 19, 2014
Kalay Myo Technological University ah Camibuai Answer papers a hloh ruangah University ih Assistant Director cun palik zungah thu a thlen thu theih a si.

Answer papers pawl cu September 17 sunih hlo a siih Kalay Myo Technological University Asisstant Director U Ngi Ngi Tun cun thudik hrang report a pek thu Kalay district palik hotu cun a nemhnget.

Answer Papers pawl a hloh ruangah a pehparmi major pawl phi sal țulmi subject pawl tlawngih thuhla thannak sign board parah tar a si nan tlawngta pawlin camibuai an phitsal thei lo thu duhlonak an langter tiin theih a si.

Answer Papers a hloh thu cu september 18 ni zingah theih a siih a hlomi cahlap lakih a hrekkhat cu tlawnginn kiangih lihawng sungah hmuhton a si nan a dang a tang laimi cahlap hrekkhat cu hawl hmuh a si hrih lo thu khal theih a si.

Technological University cih camibuai pawl cu september 8 sun in rampi huap zaten rualran in phi thok a si. Answer papers pawl a hloh hnu khalah Kalay Myo Technological University ah september 18 ni hi punghman camibuai an phi lai thotho ti khalin theih a si.

Answer papers a hlo timi cu mipi ih thil neihmi siatsuahtu sinak in Kalay district palik pawl; cun case ongin thuhla an zawhhnit ti a si.

lungawi lo

Tlawngta pawl lungawilonak langter lai zuk

‘‘tlawng luh hlan ih suah (Tlawng pelh ni pawlah tlawngsuah tong) tivek a tam zet. Camibuai tuah lai rori khalah tlawngsuah tong tlawngta an um lai tiin theih a si. Cutivek a si ruangah khavek tong pawlin answer papers tisung ah an thlak si ko ding. A cekci cun rel ding ka thei ve lo” tiin tlawng saya pakhat cun a sim.

Kalay Myo Technological Universty ah a liam cia kum 8 ah khal camibuai phi ding zikte ah tlawngta pawlin camibuai quetions pawl retnak thingkuang cu an tlawng kiangih thlanmual ah an rak thup ti thu khal cuih saya pakhat cun a sim.

Source: Today Myanmar

‪#‎CTnews‬

(Visited 495 times, 1 visits today)

Comments

comments

Comments

%d bloggers like this: