Kala fala Salini thawn kan ngaizawng aw….

prdfdfd

Kala (Vai) fala Salini le Kamte an duhdawt awknak kum (2) a kim zo. Asinan, Salini nu le pa cun an sungkhat milian tlangval Rohit cu a pasal dingah an rak ham cia. Vai milian fanu Salini hin kawlram raltlan vakvai Kamte cu thizik khawp in a duhdawt.

Salini cu a nu le pa theihlo in Kamte a vahpi theu. Kamte hi Delhi ah raltan siphah in phunsang tlawng a kai. Salini hi M.A kumkhatnak kai lai a si. Zan nazi 12:00 a kim zo nan Salini a it that thei lo ih Kamte a phone……….

Salini : Hei, Kamte na it that zo maw? Kei tuisun ih kan coffee in ruangah si ding ka it that thei lo. Na ih that theilo le I call theu aw, I ti kha…mang na man zo maw? Hi..hi…

Kamte : Kei tla thawten ka it thei ve lo, ka tthang phahphah. Tuanten ka it zo nan nazi 12 hrawng ih I phone theu ruangah si ding. Ka thinlung in a rak thei cia. Na phone a ring hlan ah ka thang zo.…

Salini : Kamte, tuisun ih ka lo suhmi ka lo sut sal ding. Ziangah tuini tiang ka lo duh in ti lo. Kum (2) a liam zo hi! Hi tluk ka lo duhdawt ti na thei. Na ruangah ka rualpi pawl khal in, in dem theu. Ka rualnu Pritti tla cun “Ram dang mi tlangval na nei ih na sir aw tuk lai ding” in ti rero. Asinan pawi ka ti lo.

Na sinak diktak lo theitu ka si ruangah ka lo thlah thei lo. Please, Kamte I sim ko aw…na mit hmai ka zoh ahcun I hua lo ti ka thei ko. Asinan, na kaa in ka lo duh in timi ka thei duh. Zangfahten ka lo duh in ti thei lo ding maw…?

Kamte : Salini, Salini, Kan theiawk hmaisabik ihsi khan ka sinak diktak ka lo sim zo kha! Raltlan refugee men ka si. Burmese/kawlrammi hmanah miphun nau zetmi Chin an timi ka si ka lo ti zo kha. Cumi in nangmah vek milian fanu, cathiam hi…oh…Cun, ka ti theu kha, na nu le pa in na hrangah Rohit an ham cia zo.

Tu hivek ih kan um tlang timi hman in thei sehla in that duh ding. Nang cun ka thinlung zaten I thei. Asinan na nu le pa cun in theilo. Cun, nan mah pawl ih nautat emem mi raltlan mai ka si. Ka lo duh ka lo ti ruangah kan rualpi sinak a sunglawi ce dingnak khal ka thei cuanglo. Ka hrang ah rualpi thabik na si ti cu nangmah tla in na thei ko. Ka lo hua lo. Asinan ka lo duhdawt ka lo ti tik ah ka parah thihnak tiang a thleng thei timi hi I ruahpi ve aw.

Salini : Kamte, leitlun ah nangmah bangih thinlung thianghlim a kengtu dang an um ding ka zum lo. Kamte, ka nu le pa in na sinak an lo theih ahcun an lo duh tuk ding. Burma, Chinmi ah nangmah vek minung thinlung tha an lo nei cu a mak ka ti. Nangmah ruangah hi Delhi kan inn kiang ih nan mah lam mi pawl ka duhdawt theh.

Ka thinlung ten Kamte vek thinlung an nei ve ding ka ti theu. Kamte, taktak so khaw…Tuini tiang ka par ih na lungput le na tongkam pawl ka ngai tikah nangmah ai ih mifel le fim ka hmu nawn ding ka zum lo.

Kamte : Kei hi fim in ti maw! Kan pawl awk theu ruangah so khaw. Taktak te cun a tu kan biak awk ah Mirang tong kan hmang ih kan mah Chin tong hmang sehla cu thutam pi ka lo sim thei sin ding nan. Salini, minung cu maw, hmuhawk tam cun duhawk a theih so khaw. Keimah in pawl vek in mi dang tla va kawm/pawlve aw la na duhdawt thei cih ding. Minung hi kan mak zet so khaw.

Ka lo sim theu kha…minung cu rintlak kan um lo…kei tla hi thimnak ah um tlang bang ta sehla nuam ringring a thei lo dingih harsat caan tivek ahcun thu tinkim na ruat dingih cutikah I neih hi na sir aw leh ding.

Kan Chisitian Bible ahcun minung thinlung hi “Mi bum hmangbik” a ti so khaw. Kan dung could drink kan in lai ih ka lo sim mi kha na manglai lo maw…Nan ni, Kala/vai pawl tla nan fel thehlo, mi tha an um vek in mi thalo tla an um ve.

Cubang in kan ni Chinmi tla keimah hnak ih fim tampi an um, mitha tampi an um. Kei cu ka lo sim zo bangin kan pawlawk ruangah kan thinlung a hmu aw ih cunah fim in ti men mi si. Zawi mi phun le ram khal ah mi tha an um cun misual khal a um daan a si.

Salini : Kei hi M.A ka kai lai nan, na hnen hlirin fimnak ka zir. Cabu hi zir tam cun siar tam a si ih ka siar tam ko nan. Na tongkam vek hi cabu ah ka hmu dah lo. Kamte tak tak in, nan ram le nan mi phun in an lo thei lai ding… ni khat ni ni ahcun hruaitu pakhat khat cu na si ding.

Mi ropi na si tik ahcun in thei duh nawnlo ding si khawh..hi..hi…Kamte really really, you are wise. Ka lo hmuh veten khan mi tha na si ding ti ka thei ko…nan mah lammi fala na nei ko ding. Asinan tu kum (2) a kim zo nan in sim duh lo ti.

Keimah in biak vek ih nan mah lam fala na biak ahcun an tuar thei ve zik lo ka ti…hi..hi…cuvek in fala na biak theu ko ti Kamte!

Nitin ka lo duhtuk ka lo ti theu…ka thinlung hi hmu thei aw la cu I zangfak ding. Taktak te tile cu, ka porh aw si loin kan nung thei ve zet. Ka nu le pa in, in duat ih ka dilmi in tuah sak theh. Oh I don know, I don know, why I love you? Kamte nan mah lam mi fala duhdawtmi cu na rak nei ko ti…?

Kamte : Salini thudik hi sim ttheh tengteng a tul lo timi thufim na thei ko ti. Ok, ka lo sim ding…a sinan na thin naa hlah. Aw si, yes… kum (17) ka ti ah Mawite timi fala mawizet thawn kan duh awk dah. Cuvial ka lo sim ding. Asinan tu ahcun pehtlainak a siat theh zo.

Salini : Kamte, zangfah ka lo dil dahlo kha na thei ti. Asinan a tu cu zangfah ka lo dil ding. Ziangah Mawite thawn nan then aw…zangfahten in sim aw. Na thinheng hlah maw, Kamte please….

Kamte : Ok, ka lo sim ding. Ca ah tla na zir hnge hnge, Sorry, na assignment sawn ah ka hmu “About Burmese refugee” timi kha. Kan ram harsatnak ah kei tla kan ram kiang Mizoram ah phunhra tlawngpih sungah tin hlawhaw ding ih ka feh hlan ah Mawite hnen ah in rak hngak ding in ka sim ih a ni tla in rinumten ka lo hngak ding in ti nan.

Kan ram ka kirsal tikah fate thawn a rak um. Ka dem cuang lo. Ziangah tile, harsatnak ruangah kan pehtlaihawk thei lo. A ttul si. Asinan, rinum ten ka lo hngak ding in ti ruangah in hngak taktak dingah ka ruat ih cutin kei tla rinum ten ka rak um ve nan…. That is all a bout my love story…

Salini : Sorry Kamte, I am really sorry. Ka lo suhsual. Na thin naa tuk lai ti. Sorry….nan Kamte kei cu cuvek cun ka rinum lo ding in zum maw…Kamte tuini tiang na hrangah rinum lo in ka um maw….nangmah na rinum lo zik theu ti…sorry, ka parah na rin um tuk ngai. Aw, ka va lo zangfak ve. Asinan fala thate na tawng ding. Kan Pathian na ti theumi hnen ah thla na cam theu ko kha, a lo pek lai ding.

Kamte : Ok Ok, ka thinlung buai theh. Khavek a liam cia thu ka rel paih nawlo. Nangmah si lawm, in sut ih…huiha…that was a long and far story…leitlun ah rinsantlak minung kan um lo timi ka theih phah ko.

Minung kan si sung ahcun tlamtlinlonak kan nei theh ko. Na khunlu ih na tar kha… “Man is not perfect” na ti kha…na hngilh ttheh maw….? Rinumlonak timi tla hi minung ih thu a si ko nan, tik cu le caan ih pek lo tuk ruangah rinumlo a theih sokhaw…oh..ho…thu ka lo sim tam tuk putar ka bang ual.

Salini : Hei hei, nazi zoh hlah, ka lo polh ding nazi ziang zat a si a tu hi?

Kamte : Ok, nazi 2:30 am a kim zo ding ka zum…sad! Sad! Zinglam nazi 6:00 a lan zik ual…oh oh! Zaan kan meng lala a si hi.

Salini : Kamte thaizing cu maw…sorry zinglam ti zo…tuini cu maw…Five star ah ka lo fehpi ding…a nuam tuk…ka mawtaw sen tu ka mawng paih nawnlo a dum tu ka run mawng ding maw…nang tla class lak hlah aw…

Kamte : No..no…Salini! nangmah ruangah class veiziat ka pelh na thei maw? Zan ah thaten ka it that lo…ca ka zoh thei lo…ka nu le pa in ziangah na tawl deuh deuh in ti so khaw…cun maw…ka lo sim theu kha…kei cu kan miphun le ram hrang ah napi ka zuam a tul…kan mi phun in tulmi tampi a nei lai ka ti kha…

Cuvek ih nuam zet ih vak rero men thei ka si lo…please, holiday ahcun ka lo vah pi theu kha…Cun ka lo hmaisawng ka ti theu kha…kei in zinghman ka lo do dah lo nangmah hlir in sumpai le ziangkim na cem theh…a nuam lo thei tuk so khaw…mipa pakhat ih sinak le tuahdingmi hman ka pitlin thei lo mi hi e!

Salini : Faithful pa, ka lo ti theu kha…na rualpi ka rak si hi mi vantha ka si. Ka lo co lo hman ah na hnen ihsin ziangkim ka zir. Kan dungkum ahkhan in sim ta in ka thei…nang cu nan mah lam mi/ nan mi phun lo na nei tum lo ti…

Kamte : A dik. Ka nauhak lai ihsin ka tummi a si. Mah mi phun pi rori neih ka duh. Minung cu theithiamawk lo caan a tam ttheu fawn. Cun ka fimnak le ka thiamnak khal kan Pathian ka ti theu mi ih in pek mi a si ruangah a mai hrang le kan ram hrangah/mi harsa bawm theinak ding hrang ah ka hmang so vivo ding. Aw aw! cuvek cu ka thu thup si ual…

Salini : Kamte, Five Star ahcun feh dingin ka lo sawm thotho ding so khaw aw…rak ralring cia aw…hello..hello….sad! battery down tuk ih bet ah line cut….

Pehlai ding………

Comments

comments

22 Comments

  1. thu ngai si maw ?

  2. kamte an ti mi pa hi ava fel over ve aw!!!!!!!!!! thu ngai si pei maw??
    asinan angai nuam tuk hehehe

  3. thuan thu khal ,thu ngai a si thei ,na thuan thu khal ,thuan thu ngai nuam a si thei,mai feeling te kha kan nei cio dg ka zum …..coffee na in nah kan it that thei lo ,duh dawt nak khal ah zan kan var thei ko ,love is deep….Nobody canot teel…

  4. Aiha!!!!!!!!!!!!!!!!!!!!!!!!!! a tha tuk, thungai a si ko ding. Hivek in kan chinval an um thei ngai pei maw aw!!!!!!!!!!!!!!!!!!!!!!!

    Sorry, an um si ti aw… Kamte…haha
    CT nan web hi a ropi si.

    Chin mi web ah top a si.

  5. Henry tuallawt says:

    Kamte, kan lo zum ngam ngai ngai kem ?. A ngai ngai cu si sela kan ram in hi vekmi hi si kan tul, ram hrang le miphun, Pathian hrangah a rinum mi

    A ngai nuam tuk law law… CT.. nan ti tha thei tuk.

    Hei…ha.. thinbang a thawi dam si si ….heehhehehe

  6. Hiti vek cu a taktak si theihding cun a har tuk ual

  7. suangtuahna ram ah a lut a si lo maw?

  8. Na’n nan thawnthu nganmi cu a ttha tuk lomlom

  9. Kei ka tlangval lai khal hiti vek cu ka tong awk ve a si

  10. thu ngai si ka zum lo

  11. Thu ngai si seh la, second 60 khal a daih zik lo

  12. a mak in a ropi nasa ……

    thu ngai thu siseh la cu lungawi um zet ding nan …..

  13. Nan thiam nasa.
    Nun thuleng lang pang run ngan zelau.
    Nun thu leng lam pang in mipi thinlung a neh deuh bik asi hi.
    Nun thuleng in laimi rinumnak, pathian rinsannak nan phuang thiam nasa.
    a lungawi um

  14. Rin um nak le felnak in miphun dang lakah zumtlak kan sinak langter seh la,

    Mi hnamdang Fala le Tlangval lak men ah kan Chin Fala le Tlangval pawl mualpho ter men lo seh la, maihrang ruattuk thu men ah cun,, hehe

  15. Nan news thlah mi pawl thu ngai khal a um ve in thuphan a tam tuk

  16. a siar nuamin a ngai nuam tuk, a ngantu na vision ka lo uar zet. CT well done. Ti zel auh, kan siar zel ding.

  17. a tha. A ngan tu a thiam zet. an duh dawt awk nak thu thawn, an social life sau deuh in (a bik tak in salini ih thu hla) ngan bet thei aw la a speical ding ka zum. a thuanthu a danglam.

  18. a thuphan tuk a ti tu tla nan um ih kei ka hmuh ve dan ah cu, thuan thu ngan dan tampi a um ih thu phan a si ti men ruang ah sawisel awk ding a um lemlo, lei tlun pi nih thu ngai a si lo mi, mi imagination ih an ngan mi kan siar theh ko si lo maw. Harry Potter tla thuphan zet a si ve ko nan lei tlun pumhuap in kan siar theh ko. himi thuanthu tla hi cu delhi kan um nak ah cun a um thei mi a si. ca ngan tu, na story hi Reality touch na pek duh deuh si le kan social life tam deuh in ngan aw la tha zet ding ka zum.

  19. CT hi ka theihnak a rei hrih lo, siar nuam ka ti tuk. Thu thar hlaam a um thei ring2. Nan ti ttha tuk. Nan Duai Lo (DL).

    Tv.Kamte ih thuanthu cun mi a neh zet. Thungai a si le si lo lamah ka buai lo. Laimi hi mi rinum hnam kan sinak a langter hi ka ri a riam. Pualva le Laimi kan si!

    DL.

  20. Wow..hi story chu a va tha ve…thazang tampi k ngah…kan lai tlangval cing2 kamte vek si ding in zuam um…kei zawng ka thlang Lai val ngei….chhuihthlang valla lo zam suh aw………

  21. van lal san mawi says:

    a siar a nuam tuk nan,,,,,,,,
    ka zum cawk lo…….

  22. Kei khal ka uar lawlaw asi, rak peh vivo uh la a duh um nan….
    sile nan peh ding mi hngak phah in

%d bloggers like this: