Kaihruai Saalnak

January 20

Tlawngkai Nithum

Kaihruai Saalnak

Siar:

Seemtirnak 39:1-10

Bawipa cu Josef hnenah a um ih a hrangah ziang hmuahhmuah a tluang thluh. Josef cu Ezipt mi a bawipa ih inn ah a um.      -Seem. 39:2

Kumkhat Sung Baibal:

–   Seemtirnak 49-50

–   Matthai 13:31-58

Piano tum thiam Leon Fleisher cu kum 16 a kim tikah New York ih a duhmi  awnmawi thiam pawl thawn Carnegie Hall khanpi sungah mipi hmai ah awnmawi hmaisabik a tum. Ramdang pawl thawn zuam awknak khal ah mit-hmai a ngah vingvo ih leitlun ih a tthabikmi awnmawi le hlasak puai pipi pawl khal ah a tum vingvo. Hmanseh a kum 37 ah thahri lam natnak a ngah ih a vorhlam kut a zeng. Piano tum thei nawn loin caan tawkfang a um hnu ah piano hnakin awnmawi ka duh sawn a ti ih music lam zirhtu a ttuan.

Kan sunmang a siat tikah ziangti’n kan um ttheu? Jakob ih fapa duhbik Josef cu a u le in sal ih an zuar tikah (Seem.37:12-36), amah le amah zaangfah aw in a thlahdah aw thei nain cuti’n a nung lo, Pathian hmai ah felte’n a um. “Bawipa cu Josef hnenah a um” timi ttongfang veili rori kan hmu (Seem.39:2, 3, 21, 23). Zohtthim tlak ih a nun ruangah “Pathian in a umpi” ti hi Izipt ram ih a renmi pawl khal in an theithiam.

Kan sunmang hnakin Pathian kan duh sawn maw? Josef cu a neih cia hmuahhmuah le a sunmang an hloral ttheh ruangah a riah a sia thei men. Sihmansehla a ruah dah lomi ah Pathian in a ko ih a kaihruai. Tuih sun ah Bawipa in kaihruai in duh. Amai’ kaihhruai mi si kan duh maw?

Ka duhzetmi tumtahnak pawl hi an peeng thei men,

Ka ruahsannak pawl khal an hloral thei;

Hmanseh ka Bawipa in i kaihruai dingin ka rin ngam ding,

Ziangahtile Amah in lamzin a thei.

Khawkhannak cu na nei ko ding,

asinan na tuahmi pawl lam lo hruaitu cu Pathian a si.

-Thuf.16:9

(Visited 22 times, 1 visits today)

Comments

comments

Comments

%d bloggers like this: